اسلام آباد(پاکستان پوائنٹ نیوز 03 -اگست 2016ء) صدر مملکت ممنون حسین ءَ گشتگ انت کہ پاکستان ءِ ترکمانستان ءِ گوں براتی سیادی انت کہ آ ھواریں عقیدہ، دود ءُُ ربیدگ ءُُ روایت ءِ سرا انت۔ صدر مملکت ءَ اے ھیال آنی درشانی ترکمانستان ءِ پارلیمان ءِ چیئر پرسن بانک اکجانر بردیوا ءِ سروکی ءَ ٹولہ ءِ گوں چار شمبے ءَ ایوان صدر ءَ گند ءُُ نند ءِ وھد ءَ کرتگ۔
اے موہ ءَ سپیکر بنجاہی اسمبلی سردار ایاز صادق ہم ھوار ات۔ صدر مملکت ءَ زور داتگ کہ دوئیں ملک آنی پارلیمانی باس کمیٹی ءِ نیام ءَ سوگو رابطہ بوھگ لوٹیت۔ صدر مملکت ءَ اے موہ ءَ گشتگ کہ دوئیں ملک آں واپاری حجم زانتکاری ءَ کم انت آئی ءَ دِگہ زیات کنگ ءِ ضلورت انت۔ آئی ءَ گشتگ کہ دوئیں ملک آنی نیمگءَ واپاری دیمروی ءِ ھاتر ءَ سرمایہ کار آں آسان ویزہ ءِ آسراتی دئیگ ءِ ضلورت انت پدا ہم یکجا واپاری زیات بیت۔
صدر مملکت ءَ اے گپ ءِ سرا زور داتگ کہ دوئیں ملک آنی اُلس ءِ یکجا رابطہ ءِ ھاتر ءَ کاروباری مردم ءُُ سیل ءُُ سوادی آسراتی ءِ ھاتر ءَ بالی سروس بندات کنگ لوٹیت صدر مملکت ءَ گشتگ کہ ترکمانستان ، اوگانستان، پاکستان ، بھارت ( تاپی) گیس پائپ لائن منصوبہ دمگی توانائی ءِ سلامتی ءُُ وشحالی ءِ ھاتر ءَ یک باز مزنیں منصوبہ انت ءُُ پاکستان اے منصوبہ ءِ یک وھد ءَ سرجم کنگ ءِ ھاتر ءَ پر ازم انت۔
صدر مملکت ءَ ترکمانستان ءِ نیمگ ءَ 100میگاواٹ توان ءِ پیش کش ءِ شکر ادا کرتگ۔ صدر مملکت ءَ گشتگ کہ پاک چین اقتصادی راہداری ءُُ تاپی منصوبہ ءَ درستیں خطہ ءَ وشحالی کیت ءُُ دمگی رابطہ ءِ ذریعہ ءَ اے موہ ءَ پائدگ زورگ لوٹیت۔ ترکمن پارلیمان ءِ چیئر پر سن بانک اکجانر بردیوا ءَ گشتگ کہ ترکمانستان پاکستانءِ گوں سوگو سیادی ءِ واہشت داریت کہ آ دوئیں ملک آنی مفاد ءَ انت ۔ آئی ءَ صدر مملکت ءَ گشتگ کہ ترکمانستان دمگی ملک ءَ توان دئیگ ءِ ھاتر ءَ تاپی گیس پائپ لائن ءِ گوں ھواری ءَ توان ءِ لائن تالان کنگ ءِ کار کنگ ءَ انت۔ صدر مملکت ءَ امیت درشانکرتگ کہ ٹولہ ءِ اسلام آباد ءَ بوھگ وش ءُُ یاتگار بیت۔
