بلوچستان سی پیک ءَ سرجمیں پادگ زورگ ءِ ھاترءَ تیار انت، سر وزیر بلوچستان نواب ثناء اللہ خان زہری

بلوچستان سی پیک ءَ سرجمیں پادگ زورگ ءِ ھاترءَ تیار انت، سر وزیر بلوچستان نواب ثناء اللہ خان زہری

کوئٹہ(پاکستان پوائنٹ نیوز 03 -اگست 2016ء) سر وزیر بلوچستان نواب ثناء اللہ خان زہری ءَ گشتگ انتکہ بلوچستان سی پیک ءَ سرجمیں پائدگ زورگ ءِ ھاتر ءَ تیار انت۔ ماں وتی ورنا انجینئر ءُُ ہنر مند مردم آں سی پیک ءِ منصوبہ ءَ روزگار ءِ پجارینگ ءِ موہ دئیگ بیت۔ بلوچستان ءِ انجینئر ءَ چین ءَ ھیل کاری دئیگ ءَ باسک ءِ ھاتر ءَ چینی حکوِ گوں زوت رابطہ کنگ بیت۔

اے ھیالا ٓنی درشانی آئی ءَ ینگ انجینئرز ایسو سی ایشن ءِ ٹولہ ءِ گوں گپ ءُُ تران کنگ ءَ کرتگ آئی ءَ باسک صوبائی اسمبلی انجینئر زمرک خان اچکزئی ءِ سروکی ءَ آئی گوں گند ءُُ نند کرتگ۔ سر وزیر ءَ گشتگ کہ صوبائی حکومت روزگار ءِ موہ ءَ زیات ءُُ ھالی آسامی آں اہل ءُُ زانتکار ورنا آں بھرتی ءَ یقینی جوڑ کنگ ءَ انت۔ بنجاہی ادارگ ءِ آسامی ءِ سرا بلوچستانءِ شش درصد کوٹہ ءِ سرا عمل کنگ ءَ ہم ہر جاور یقینی جوڑ کنگ بیت ءُُ اے ھوالہ ءَ بنجاہی حکومت ءَ یقین دئیگ بیت کہ بلوچستانءِ کوٹہ ءَ الما بلوچستان ءِ امیت وار بھرتی بہ کن ات۔

آئی ءَ گشتگ کہ اقتصادی راہداری منصوبہ ءِ ردا بلوچستانءِ لہتیں دمگ آں انڈسٹریل زون جوڑ بیت۔ صنعتی کار تیز بیت ءُُ روزگار ءِ بے پناہ موہ پیداک بیت۔ اائی ءِ سرا ہنر مند افرادی قوت ءِ ضلورت بیت، مئے کوشست انت کہ اے ضلورت صوبہ ءَ چہ پورا بہ بیت ءُُ مئے ورنا اے موہ ءَ پائدگ زرت بہ کن انت۔ سر وزیر ءَ گشتگ کہ لسبیلہ ءَ ھستیں صعنتی آنی مالک آں ہم پابند کنگ بیت کہ آ وتی صنعت آں بلوچستانءِ انجینئرز آں روزگار بہ دئینت۔ آئی ءَ انجینئر آں گشتگ کہ ورنا نسل ءَ چہ یک وانوکیں ءُُ وشحال بلوچستان ءِ واب پورا بیت بلے آ وتی درستیں دیان وانگ ءُُ ہنر ءِ پجارینگ ءَ سرا بہ کنت ماں آھاں یک وشحال باندات ءِ ضمانت بہ دئینت۔