اسلام آباد(پاکستان پوائنٹ نیوز 03 -اگست 2016ء) ایم کیو ایم ءِ باسک سیدآصف حسنین ءَ گشتگ کہ سندھ ءِ دومی دمگاں رینجرءَ وت وجہی دیئگ نہ بوھگءَ اِنت وھدے کہ آئی ءَ ایم کیو ایم ءِ گوما پاکراچی ناوشیں سلوک کنگءِ ھلاپ ءَ سئمی روچءَ ھم ایوان ءَ چہ واک آؤٹ کتگ۔ چارشمبے ءِ روچءَ راجی اسمبلی ءِ اجلاسءِ تہا نکتہ اعتراض ء ِ سرءَ آصف حسنین ءَ گشتگ کہ ایم کیو ایم ءَ درسا ں چہ پیسر سندھ ءِ تہا رینجرزآں وت وجہی دیئگ ءِ حمایت کتگ۔
آئی ءَ آرٹیکل 147ءَ ابید آرٹیکل 148 ء ُ 149ھم ایشی ءَ گوں ھمگرنچ اِنت۔ تنا کراچی ءَ کاروائی ءِ ھاترءَ رینجرز ءَ را وت وجہی دیئگ ءِ گپ کنگ بوھگءَ اِنت وھدے کہ سندھ ءِ دومی دمگاں ھم رینجرز ءَ را وت وجہی دیئگ نہ بوھگءَ اِنت۔ آئی ءَ گشتگ کہ کراچی ھم کسے ءِ میراث یا جاگیر نہ اِنت۔ آئی ءَ گشتگ کہ ایم کیو ایم ءِ گوما کہ ا ے سلوک کنگ بوھگءَ اِنت مہ ایشی ءِ ھلاپ ءَ واک آؤٹ کن اَنت۔ ایشیء َ پد ایم کیو ایم ءِ باسکاں ایوان ء َ چہ واک آؤٹ کتگ۔
