اسلام آباد(پاکستان پوائنٹ نیوز 02 -اگست2016 ء) مز ن وزیر محمد نواز شریف ءَ ترکیءِ قیادت ء ُ اُلسء َ را 15جولائی ءِ شپ جمہوریت ءِ سرءَ اُرش ءِ ھلاپءَ سوبمندیءِ سرءَ مراد بات داتگء ُ گشتگ پاکستان ء ُ ترکی ءِ درنیامءَ براتیں سیادی یک وڑیں راج دپتر، دودء ُ ربیدگ، مذہب ء ُ چاگردی بستار ءِ سرءَ جوڑ اِنت۔ آ ترکی ءِ دری کارانی وزیر میولود چاوش اولو ءَ گوں گپء ُ تران کنگءَ بوتگ کہ آ ئی ءِ ڈل ءِ ھمرائیءَ سئے شمبے ءِ روچءَ مزن ویر گس ءَ گندء ُ نند کتگ۔
مزن وزیر ءَ ناشرکاریءِ ھلاپ ءِ جنگ ءَ ترکیءِ گوما یکوئیءِ جزم ءِ درشانی کتگ ء ُ 28جون ءَ اتاترک میاں اوستمانی بالی پڑ ءِ سرءَ ناشرکارانی اُرشءَ گران بہاھیں جانانی تاوان بوھگءِ سرءَ دلپدردی ءِ درشانی کتگ۔ آئی ءَ گشتگ کہ پاکستان ھم ناشرکاری ءِ آماچ اِنت، جاری ضرب عضب آپریشن ء ُ نیشنل ایکشن پلان ءِ سکیں جوانیں نتیجگ دیم ءَ اَتکگ اَنت۔
آئیءَ گشتگ کہ مہ اے جزم ءِ گوما آپریشن کتگ ترکی ءَ ھوار میاں اوستمانی براتی ءَ اے ساڑاتگ کہ ایشی ءِ سرء َ مہ منت وار اَں۔ مزن وزیر ءَ گشتگ کہ مزنیں تک ءِ سٹرٹیجک ءَ را آپریشن کونسل پاکستان ء ُ ترکی ءِ درنیام ءَ دو نیمگی سیادی ءِ دیم روئی ءِ ھاترءَ یک ساپیںء ُ تزویراتی کشکے پھجارینگءَ ھاسیں کردے پیلو کنگءَ اِنت۔ آئیءَ نیوکلیئر سپلائرز گروپ ءِ باسکی زورگ ءِ ھوالگءَ ترکی ءِ نیمگءَ چہ پاکستان ءِ پکہ حمایت ءَ را ھم ساڑاتگ۔
