اسلام آباد(پاکستان پوائنٹ نیوز 02 -اگست2016 ء) مزن وزیر محمد نواز شریف ءَ توانائی منصوبہ آنی سرءَ بوتگیں کارانی سرءَ سدکی ءِ درشانی کتگء ُ گشتگ کہ انوگیں حکومت توانائی ءِ کمیءَ را ھلاس کنگءِ ھاترءَ توانائی ءِ منصوبہ آنی سرءَ کار کنگءَ اِنت۔ آئیءَ اے گپ سئے شمبے ءِ روچءَ مزن وزیر گس ءَ توانائی ءِ جاری ء ُ ایوکیں منصوبہ آنی چارء ُ تپاسی اجلاسءِ سروکی کتگء ُ گشتگ۔
مزن وزیر ءَ اے جزمءِ درشانی کتگ کہ آ تاں وتی مدت ءِ ھلاسیءَ لوڈشیڈنگءَ ھلاس کنت۔ آئیءَ گشتگ کہ اے گپ ءِ سرءَ سدکّی اِنت کہ دراھیں جاری توانائی منصوبہ کم چہ کم ھرچءَ سرجم کنگ بوھگءَ اَنت۔ مزن وزیر ءَ پاک چین اقتصادی راہداری ءِ ھوالگءَ توانائیءِ منصوبہ آنی سرءَ کار کنگءَ ھاسیں زورپِر داتگ ء ُ اے منصوبہ آنی سرءَ کارءِ تپاسگ ءِ پرمان داتگ۔
مزن وزیرءَ اے ھم پرمان داتگ کہ ملک ءِ تہا دراھیں منصوبہ آنی سرءَ ساپ ء ُ سلہیءَ کار کنگ بہ بیت ۔ آئیءَ گشتگ کہ مے مول ء ُ مراد ملکءِ تہا توانائی ءِ کمیءَ را ھلاس کنگی اِنت کہ ایشیءَ بازیں وھدبیت کہ لوگ ء ُ کارجاھءِ مردماں سک پریشان کتگ ۔ آئی ءَ گشتگ کہ نہ مہ تنا صارفین آں ارزانیں بجلی پھجارینگءِ ھاترءَ جزم بلکیں آ ملکءِ چاگردی ء ُ معاشی دیم روئی ء ِ تہا بھرزُرت بہ کن اَنت۔ اجلاس ءِ تہا ھزانگءِ وزیر اسحاق ڈار، پنجابء ِ سروزیرمحمد شہباز شریف، آپ ء ُ لین ءِ وزیر خواجہ محمد آصف ، پٹرولیم ءِ وزیر شاہد خاقان عباسی، آپ ء ُ لین ءِ سیکریٹری محمد یونس ڈھاگا ء ُ دگہ سینئر حکام ھوار بوتگ اَنت۔
