اسلام آباد(پاکستان نیوز پوائنٹ 06مارچ2017ء) صدر مملکت ممنون حسین پارینے کہ کشمیر و فلسطین نا ویل آک السی است خواہی تا رداٹ ایسر مریرہ۔ پاکستان نا اقتصادی سوگوی مقبوضہ کشمیر نا آجوئی نامزل ءِ خڑک کیک۔ صدر مملکت دا ہیت ءِ آزاد جموں و کشمیر کونسل نا اسہ ڈل اسے تون اوڑدہی ٹی پارے ہراک سردار عبدالخالق ولی نا سروکی ٹی اوڑتون اوڑدہی کریر۔ صدر ممنون حسین پارے کہ آزاد کشمیر اٹی شونداری نا سفر نا بنامسنے ہرادے سرسہب جوڑ کننگ کن الس ءِ تینا کڑد ءِ ادا کروئی مریک ۔
صدر مملکت پارے کہ پاکستان کشمیر نا ویل ءِ جہانی کہول آ تالان کننگ کن کمکاری ءِ برجاتخک۔ اوپارے کہ پاکستان نا اقتصادی سوگوی مقبوضہ کشمیر نا آجوئی نا مزل ءِ خڑک کیک۔ صدر مملکت زورشاغا کہ آزاد کشمیر نا ورناتے سائنس و ٹیکنالوجی و آئی ٹی نا تعلیم نا کنڈآ دننگے تانکہ او ڈیہہ نا شونداری ٹی کڑد ادا کننگ کیر۔ صدر مملکت ممنون حسین پارے کہ پاکستان نا آخبت روشناءِ و مایوسی ءِ تالان کننگپ۔
اوپارے کہ الس ملک اٹی برجاشونداری ڈٹ آتا سرسہبی آن پوروی کن تینا کڑد ءِ ادا کیر۔ اوپارے کہ بروک آ منہ سال اٹی دنیا ٹی بھلو کچ اسے آ بدلی رونما مریک۔ اومستی پارے کہ سی پیک ڈٹ انا بھرم آک پاش مننگ نا بناکرینو و گوادر پورٹ آ ہم سرجزآک بناکرینو۔ صدر مملکت ممنون حسین پارے کہ الس ملک ءِ شون ہلوک قوم اسے نا صف اٹی سلفنگ و قومی کٹیا ٹی ودکی کن سخت خواری کشر۔ اوپارے کہ شونداری نا راز تینا کاریم کننگ و ایلو نا کاریم اٹ نیام تمپننگ اٹی ءِ۔ اوپارے کہ تعلیم و جان جوڑی نا بجٹ اٹی پین ودکی کننگک۔
