اسلام آباد (پاکستان پوائنٹ نیوز 02 -اگست2016 ء) پاکستان مسلم لیگ(ن) نا راہشون لیفٹیننٹ جنرل (ر) عبدالقیوم خان پارے کہ پاکستان نا آجوئی دے انا تو انا وخت آ سیکورٹی فورسز آک ملکی سیم آتا رکھ اکن خصوصی بست وبند کرینو۔ ریڈیو پاکستان تون ہیت وگپ کرسا اوپارے کہ پاکستان مسلم لیگ نا حکومت ءِ برسراقتدار بننگ تون بھاز انگا چیلنج آتا مون تروکی ئس ہراٹی بلوچستان نا حالیت، سیم آتا عدم استحکام و دہشت گردی کون آ ویل آک اوڑدہ ئسر۔
اوپارے کہ داساڑی آ حکومت نا سرسہبی ءِ کہ او سیکورٹی فورسز و الس نا پبی کمک آن داغٹ مشکلات آتا مو ن ءِ توننگ اٹی سرسہبی دوئی کرینے۔ لیفٹیننٹ جنرل (ر) عبدالقیوم خان پارے کہ حکومت و سیکورٹی فورسزآک دہشت گردی نا مون ءِ توننگ کن پرعزم ءُ و داآپریشن آخریکو دہشت گر دانا چٹفنگ اسکان برجاء تخنگک۔ اوپارے کہ جہانی برادری ہم دہشت گردی نا برخلاف پاکستان نا کوشست آتا ستاءِ کرینے و پاک فوج ہم دا چیلنج آتون مون تننگ نا پبی لائخی تخک۔
