قومی اسمبلی ٹی اسلام آبادہائی کورٹ اٹی نیاڑی جج انا تقرری نا بابت بل پیش

قومی اسمبلی ٹی اسلام آبادہائی کورٹ اٹی نیاڑی جج انا تقرری نا بابت بل پیش

اسلام آباد (پاکستان پوائنٹ نیوز 02 -اگست2016 ء) اسلام آباد ہائی کورٹ اٹی نیاڑی جج انا تقرری نا بابت بل ءِ قومی اسمبلی ٹی پیش کننگا وخت اس کہ بنجائی وزیر زاہد حامد پارے کہ سپریم کورٹ اٹی نیاڑی جج انا تعیناتی نا بل ءِ وزارت کانود مسترد کرینے۔ نیاڑی نا بطور جج تعیناتی آ ہچ ءُ قدغن اس اف۔ سے شنبے آ قومی اسمبلی نا دیوان اٹی ڈاکٹر نگہت شکیل تحریک پیش کرے کہ اسلام آباد عدالت عالیہ (ترمیمی )بل 2016ء ءِ پیش کننگ نا موکل تننگے۔

بل ءِ ہتنگ نا مسخت اسلام آباد ہائی کورٹ اٹی نیاڑی جج انا تقرری ءِ۔ وزیر کانود زاہد حامد پارے کہ سپریم کورٹ اٹی ہم نیاڑی جج انا تعیناتی نا بابت اسہ بل اس پیش مسنے ولے لاء ڈویژن اودے مسترد کرینے۔ نیاڑی نا بطور جج تقرری آ مست ہم ہچ ءُ قدغن اس اف۔ واہم اوبل انا مخالفت ءِ کتو۔ ایوان آن تحریک نامنظوری آن گڈ ڈاکٹر نگہت شکیل بل ءِ ایوان اٹی پیش کرے۔