ایران نا صدر حسن روحانی اقتصادی کمکار تنظیم سروک دیوان اٹی شرکت کن اسلام آباد آ سرمس

اسلام آباد(پاکستان نیوز پوائنٹ 28فروری2016ء) ایران نا صدر حسن روحانی 13می اقتصادی کمکار تنظیم (ای سی او) سروک دیوان اٹی شرکت کن سے شنبے نا دے اسلام آباد آ سرمس۔ وزیر سیفران عبدالقادر بلوچ نورخان ایئر بیس آ شرفمندآ مہمان ءِ جم و جوش اٹ بخیر کرے۔ ایرانی وزیر خارجہ جواد ظریف ہم داوخت آ ساڑی ئس۔ ایران نا صدر ءِ والہانہ بیابخیر کننگا وخت اس کہ حسن روحانی نا بننگ آ اودے بیست ءُ یک توپ آتا سلامی تننگا۔ پاکستان ایئر فورس نا چاک و چوبند دستہ اودے گارڈ آف آنر پیش کرے۔ داوخت آ پاکستان و ایران نا قومی ترانہ ءِ خلنگا۔