اسلام آباد(پاکستان نیوز پوائنٹ 28فروری2016ء) وزیر مملکت اطلاعات، نشریات و قومی میرات مریم اورنگزیب تون سعودی سفیر عبداللہ مرزوق الزہرانی اوڑدہی کرے ہراٹی تین پہ تینی است خواہی نا معاملہ غاتیا خیال آتا درشانی کننگا۔ وزیر مملکت مریم اورنگزیب داوخت آ پارے کہ وزارت اطلاعات و دودوربیدہ ہر ملک انا تشخص ءِ تالان کننگ اٹی منفرد نا کڑد و جتا تہذیب و دودوربیدہ غاتے خڑک اتنگ اٹی اہم کڑد ادا کیک ۔
اوپارے کہ وزارت اطلاعات، مابت ، امن و ہم آہنگی نا جہانی اقدار ءِ مون آ درسا تہذیب آتے خڑک اتنگ اٹی کڑد ادا کیک۔ اوپارے کہ پاکستان نا سعودی عرب تون خڑکی تعلقداری ءِ، ہڑتوم آ ملک چندی بشخ آتیٹی اسہ ایلو تون کمک کننگ اٹی ءُ داڑتون اوار اوار ہڑتوم آ ملک جہانی امن و ہم آہنگی کن ہم اسہ ایلو تون کمک کننگ ءُ۔ اوپارے کہ پاکستان و سعودی عرب ہمیشہ اسہ ایلو تون تفینو، پاکستان سعودی عرب نا تین پہ تینی کمکاری تینا الس و مسلم امہ نا مفاداٹی برجاسلک۔
اوپارے کہ حرمین شریفین نا سوب پاکستان و سعودی عرب نا مابت و مذہبی عقیدت نا رشتہ ءِ۔ سعودی سفیر عبداللہ مرزوق الزاہرانی پارے کہ دوستانہ تعلقداری تا مون آ دننگ اٹی میڈیا نا کڑد اہم ءِ۔ اوپارے کہ اطلاعات و دودوربیدہ تون اوار چندی بشخ آتیٹی خڑکی کمکاری المی ءِ۔ سعودی سفیر وزیر مملکت مریم اورنگزیب ءِ سعودی عرب نا دورہ نا سلہ خلک۔
