انڈونیشیاء ٹی پاکستانی سفارت خانہ نا عہدیدار آتا جیل اٹی بند ذوالفقار علی تون اوڑدہی، دفترخارجہ آن جاری بیان

اسلام آباد(پاکستان پوائنٹ نیوز۔ یکم اگست۔2016ء) انڈونیشیا نا دارالحکومت جکارتہ ٹی پاکستانی سفارت خانہ نا اسہ عہدیدار اس جیل اٹی بندی پاکستانی قیدی ذوالفقار علی تون اوڑدہی کرے و بنداوی وڑاٹ اونا جان جوڑی نا بارواٹ ہریفے۔ دفترخارجہ نا کنڈآن جاری بیان نا رداٹ سفارتی عہدیدار تقریباََ چارگھنٹہ اسکان ذوالفقار علی تون اوار مس۔ اوذوالفقار نا خاہوت و اونا ڈاکٹر تون ہم اوڑدہی کرے۔ بیان اٹی پاننگاکہ ذوالفقار علی حوصلہ ٹی خننگا و اونا جان جوڑی نا ویل آتیا مناسب توجوہ تننگ انگ ءِ، سفارت خانہ نا کارندہ غاتا ذوالفقار علی تون عکس آک ہم اونا حالیت نا آئینہ دار ءُ۔