قومی اسمبلی ٹی عبدالستار ایدھی ، مقبوضہ کشمیر اٹی بھارتی بیدادی آن شہید مروک آ و ایلو ایماندار و شہید آتے کن دعا کرفنگا

اسلام آباد۔(پاکستان پوائنٹ نیوز۔ یکم اگست۔2016ء) قومی اسمبلی ٹی عبدالستار ایدھی ، مقبوضہ کشمیر اٹی بھارتی بیدادی آن شہید مروک آ کشمیری، امجد صابری، مسکوہی بنجائی وزیر انور علی چیمہ تون اوار ایلو ایماندار و شہید آتے کن ایصال ثواب و مسکوہی ٹیسٹ کرکٹر حنیف محمد نا جان جوڑی کن دعا کرفنگا۔ دوشنبے آ قومی اسمبلی نا دیوان نا وخت آ اسپیکر سردار ایاز صادق نا پاننگ آ جمعیت علماء اسلام (ف) نا امیر مولانا فضل الرحمان عبدالستار ایدھی ، باسک قومی اسمبلی چوہدری حامد حمید نا لمہ، مسکوہی بنجائی وزیر چوہدری انور علی چیمہ، مسکوہی باسک قومی اسمبلی ارباب محمد ظاہر خان، باسک اسمبلی نعیمہ کشور خان نا بلغڑ، امجد صابری، مسکوہی باسک قومی اسمبلی سردار طفیل ، رینجرز و آرمی نا شہید مروک آ ورنا، باسک اسمبلی غلام سرور خان نا ایلم و ہمشیرہ ، مقبوضہ کشمیر اٹی بھارتی بیدادی تیان تپاخت کروک آ کشمیری ، جلاب آن تپاخت کروک آ بندغ و مسکوہی کرکٹر حنیف محمد نا جان جوڑی کن ایوان اٹی دعا کرفے۔