اسلام آباد (پاکستان پوائنٹ نیوز۔ یکم اگست۔2016ء) میاں اوستمانی تعلقات عامہ ء ِ زانت کار ڈاکٹر منظور آفریدی ءَ گشتگ کہ پاک چین اقتصادی راہداری منصوبہ ءَ چہ خطہ ءِ ملک آں ھوار دراھیں ملک پاھدگ چست کُت کن اَنت۔ ریڈیو پاکستانءِ مراگش نقطہ نظر ءِ گوما گپ ء ُ تران کنانءَ آئی ءَ گشتگ کہ پاک چین اقتصادی راہداری گیم چینجر منصوبہ اِت ء ُ اے منصوبہ ءِ وھدءِ سرءَ سرجم کنگءِ گشادی ءَ کوشست کنگ بوھگءَ اِنت۔
آئی ءَ گشتگ کہ اے منصوبہ ءِ سرجمی ءِ وھدءَ سیکیورٹی ءِ دراھیں زمہ واری پاک فوجءَ زُرتگ ء ُ آرمی چیف ءَ گشتگ کہ آ اے ھوالگءَ دراھیں جیڑھ ء ُ جنجالانی دیمپانی کنگءَ ساڑی اِنت ۔ ڈاکٹر منظور آفریدی ءَ گشتگ کہ اے منصوبہ ءِ زوت سرجمی ءَ چہ دوھیں ملک آں ھوار خطہ ءِ ملک آنی تہا دیم روئی کیئتء ُ بے روزگاری ھلاس بیت۔ آئیءَ گیش گشتگ کہ پاک چین اقتصادی راہداری منصوبہ ءِ سرجمی ءَ چہ جنوبی ء ُ وسطی ایشیاءِ ملک آں ھوار دگہ ملک آں ھم پاھدگ رسیت۔
