اسلام آباد (پاکستان پوائنٹ نیوز۔ یکم اگست۔2016ء) برطانوی ادارگ بی ایم آئی ءَ گشتگ کہ پاکستان دگنیاءِ 10مزنیں معیشت آنی تہا ھوار اِنت۔ برطانوی ریسرچ ادارگء ِ نیمگءَ چہ اے وڑیں 10ملک آنی لڑ شنگ کنگ بوتگ کہ آؤکیں 10سالانی تہا گشادیءِ گوما دیم ءَ شُت کن اَنت اے ملک آنی تہا پاکستان، بنگلہ دیش، مصر ، ایتھوپیا، انڈونیشیا ، کینیا، نائیجریہ ، فلپائن ، ویتنامء ُ میانمار ھوار اَنت۔
رپورٹ ءِ تہا گشگ بوتگ کہ آؤکیں وھداں پاکستان پیداواری بنجاھے ءِ ارزشتءَ دیمء َ کیئت۔ پاکستان ءِ تہا تعمیراتی ء ُ پیداواری پڑ کہ آھانی تہا ٹیکسٹائل ء ُ کارسازی ءِ پڑ دیمروئی کنگءَ اَنت۔ ارزانیں توانائی ءِ پڑءَ پاکستان ء ِ ھندی پیداواری پڑاں درساں چہ گیش سوبمندی رسیت۔ ادارگ ءَ گشتگ کہ ھمے ملک تاں 2025ءَ میاں اوستمانی معاشی پیداوار ءِ تہا 4کھرب 30ارب ڈالر ء ِ شریدار بنت ۔ اے ملک آنی درساں چہ گیش دیمروئی پیداواری ء ُ تعمیراتی صنعتءَ را بیت۔ پاکستان ، میانما ء ُ بنگلہ دیشءِ تہا نوکیں تعمیراتی زون جوڑ بوھگءَ اَنت ء ُ گیش دیمروئی تعمیراتی پڑآنی تہا گندگ بیتء ُ شہری آباتیانی تہا روچ پہ روچ گیشی بیت کہ ایشی ءِ نتیجگءَ پیداواری پڑ بُرز بنت۔