اسلام آباد(پاکستان نیوز پوائنٹ 11نومبر2016ء) سیکرٹری خارجہ اعزاز احمد چوہدری بھارت نا کنڈآن ایل اوسی و ورکنگ باؤنڈری آ بلااشتعال سم کاری و گولہ باری نا شدید مذمت ءِ کرسا داگڑتی نا درشانی ءِ کرے کہ بھارتی گام گیج تذویراتی غلط فہمی تا سوب جوڑ مننگ کیرہ ۔ داہیت ءِ او چارشنبے آ داڑے پاکستا ن اٹی تعینا ت سلامتی کونسل نا آخبتی باسک چین، فرانس، روس، برطانیہ و امریکہ نا سفیر آتے بھارت نا کنڈآن ایل او سی و ورکنگ باؤنڈری آ بلااشتعال سم کاری و گولہ باری آن بابت بریفنگ ترسا پارے۔
دفترخارجہ نا ترجمان نا رداٹ سیکرٹری خارجہ پی فائیو ملک آتا سفیر آتے بریفنگ ترسا بھارتی فورسز آتا کنڈآن ایلو او سی و ورکنگ باؤنڈری آ سم کاری و گولہ باری نا شدت و دورانیہ ٹی ودکی و دانستہ خلق و شاری آبادی تے نشانہ جوڑ کننگ آ گڑتی نا درشانی ءِ کرے و پارے کہ بھارتی سم کاری و گولہ باری آن داوخت اسکان چناو نیاڑی تتون اوار 26بے گناہ شاری شہید و 107ٹھپی مسنو۔
سیکرٹری خارجہ 9نومبر آ ایل او سی آ شاہکوٹ و جورا سیکٹرز اٹی تو پ خانہ نا کاریم اٹ اتنگ نا ترندی اٹ مذمت ءِ کرے و پارے کہ بھارتی نا کنڈآن 13سال گڈ بھلو سلہہ سے کاریم اٹ اتنگانے۔ پاکستان ءِ ورندی کارروائی آ بیوس کننگا۔ پاکستان نا سلہہ بند فوج بھارتی بیدادی نا پبی ورندی ءِ تس۔ سیکرٹری خارجہ دا گڑتی نا درشانی ءِ کرے کہ بھارتی گام گیج، ہرا امن وسلامتی کن خلیس اسے ، تذویراتی غلط فہمی تا سوب جوڑ مننگ کیک۔
بریفنگ نا وخت ملٹری آپریشنزڈائریکٹوریٹ نا نمائندہ غاک ایل او سی ورکنگ باؤنڈری نا ساڑی آ حالیت آتیان بابت سرجم پریزنٹیشن تسر۔ سفیر آک یخین دہانی کرفسا پاریر کہ او تینا ملک آتے پاکستان نا گڑتی تیان معلومدار کیرہ ۔ سفیر آک بے کچ تحمل، سیز فائر معاہدہ نا پاسداری و ویل آتا ایسری کن تین پہ تینی مذاکرات نا گرج آ زورشاغار۔
