پولیو نا پڑی کنفنگ نا بابت سعودی ایئر پورٹ آ پاکستانی تتون امتیازی سلوک نا ہیت راست اف، سرتاج عزیز

اسلام آباد(پاکستان نیوز پوائنٹ 10اپریل2017ء) سلاہکار خارجہ سرتاج عزیز پارینے کہ پولیو نا پڑی کنفنگ نا بابت سعودی ایئر پورٹ آ پاکستانی تتون امتیازی سلوک نا ہیت راست اف۔ دوشنبے نا دے ایوان بالا نا دیوان اٹی سینیٹر محسن عزیز نا کنڈآن 28 مارچ آ ایوان بالا نا دیوان اٹی چست کروک آ معاملہ نا ورندی ءِ ترسا سلاہکار خارجہ سرتاج عزیز پارے کہ سعودی ایئر پورٹ آ پاکستانی تے جبری وڑاٹ پولیو نا پڑی کنفنگ نا معاملہ بیرہ پاکستانی شاری شاری تتون آخا کیہی ایلو ملک آتا شاری تتون ہم ارے۔ اوغانستان، نائیجیریا ، صومالیہ ، یمن تون اوار کیہی ملک آتا شاری تے پولیو نا پڑی کنفنگک۔ سعودی عرب پولیو سرٹیفکیشن نا بابت جہانی ادارہ جان جوڑی نا گام گیج آتے سنجیدگی اٹ ہلنگ ءِ۔