اسلام آباد(پاکستان نیوزپوائنٹ24جنوری2018ء) مزن گسی کارانی بنجاھی وزیر شیخ آفتاب احمدءَ ترندیں محنتءَ پد قصور وئیل ءِ ملزم ءَ را دزگیر کنگءَ پنجاپ حکومت ء ُ جے آئی ٹی ءِ تہا ھوار دگہ ایجنسی آنی کوشستاناں ساڑاتگ ۔ چارشمبے ءِ روچءَ ریڈیو پاکستانءَ گوں تران کنانءَ آئیءَ گشتگ کہ وئیلءِ کتاں کاراناں آھانی آسرءَ کن اَنت۔ آئیءَ گشتگ کہ معصومیں زھگءِ گوما رستری کنگ پھیل کنگ نہ بیت۔
قصورءَ چہ راجی اسمبلی ءِ باسک ملک رشید احمد ءَ اے ھوالگءَ چہ گشتگ کہ رستریں ملزم ءِ چست کتگیں گامگیج سک ایر جنگی اِنت۔ آئیءَ گیش گشتگ کہ زھگانی گوما بے پردگی کنگ میاں اوستمانی کانودءِ ھلاپ ورزی اِنت ء ُ سوج داتگ کہ اے وڈیں جرمءِ ھلاس کنگءِ ھاترءَ کوشست کنگءِ ضلورت اِنت۔ آئیءَ گشتگ کہ ملزم ءِ دزگیری فورسز آنی کوشستاناں چہ بوتگ۔ آئیءَ گشتگ کہ بانداتءَ قصور وڈیں وئیلاں چہ رکھگءِ ھاترءَ پولیس ءِ ادارگءِ تہا لھتیں کار کنگءِ سک باز ضلورت اِنت۔ راجی اسمبلی ءِ باسک ءَ گشتگ کہ ماتء ُ پت، چاگرد ھال درءَ ھوار حکومت ءِ یکجائی زمہ واری اِنت کہ زھگانی رکھینگءِ ھاترءَ وتی کردءَ پیلو بہ کن اَنت۔
