ملګري ملتونه (پاکستان پوائنٹ نیوز19دسمبر 2018ء) پاكستان د دې هيلې څرګندونه كړې چې د امريكې او طالبانو ترمېنځه د نېغ په نېغه مذاكراتو په نتيجه كښې به په افغانستان كښې د امن لار هواره شي۔ په ملګرو ملتونو كښې په پاكستان مشن كښې قونصلر ټېپو عثمان د سلامتي كونسل غونډې ته په خپله وېنا كښې ووئيل چې په دې وروستيو كښې په افغانستان كښې امن لپاره هڅې زياتې شوې دي او هيله ده چې په ابوظهبي كښې به د امريكې ځانګړي استازي زلمې خليل زاد او د طالبانو ترمېنځه د مذاكراتو د لارې د افغانستان د اويا كلن جنګ د حل لاره هواره شي۔
ده ووئيل چې په افغانستان كښې به د امن د افغان اولس نه پس زياته ګټه پاكستان ته ورسي۔ د وزيراعظم عمران خان په مشرې كښې د پاكستان حكومت د افغانانو په مشرې كښې د سولې عمل لپاره د هر ډول ممكنه مرستې كولو پوخ عزم لري۔ ده ووئيل چې افغان ډلې د دې خبرې تسليم كولو نه بغېر كومه بله چاره نه لري چې غېر مشروط مذاكرات په هېواد كښې د امن يواځنې لار ده۔ ده ووئيل چې غېر ملكي پوځې مداخلې او د كورنۍ جګړې آغېر ټوله منطقه په خپله ولقه كښې اخيستې او دا په منطقه د امن٬ پرمختګ او خوشحالې په لار كښې خنډونه جوړوي۔ ده ووئيل چې كه هر څو په افغانستان كښې د امن خبرې د اوږدې مودې نه كېږي خو اوس د هڅو د كاميابې امكان هم په نظر راځي۔
