قومی ٹیم جہانی کپ ہاکی کوالیفائنگ راؤنڈ اٹی شرکت کیک

قومی ٹیم جہانی کپ ہاکی کوالیفائنگ راؤنڈ اٹی شرکت کیک

اسلام آباد(پاکستان نیوزپوائنٹ 14جون2017ء) پاکستان ہاکی فیڈریشن نا ڈائریکٹر (ڈومیسٹک اینڈ ڈویلپمنٹ) مسکوہی اولمپیئن نوید عالم پارینے کہ قومی ٹیم جہانی کپ ہاکی کوالیفائنگ راونڈ اٹی شرکت کیک۔ جہانی کوالیفائنگ راؤنڈ 15آن 25جون اسکان لندن اٹی گوازی کننگ انگ ءِ ہراٹی دہ ملک انا ٹیم شرکت کیرہ ہرافتے اِراگروپ اٹی بشخ و پانٹ کننگانے ، گروپ اے اٹی ارجنٹائن ، چین ، برطانیہ ، سویلی کوریا و ملائیشیا وخت اس کہ گروپ بی اٹی پاکستان تون بھارت، ہالینڈ، کینیڈا و اسکاٹ لینڈ ءِ تخنگانے۔

قومی ٹیم تینا اولیکو میچ ءِ 15جون آ ہالینڈ نا برخلاف ، ارٹ میکو 16جون آ کینیڈا نا برخلاف، مسٹ میکو ءِ 18 جون آ روایتی حریف بھارت نا برخلاف وخت اس کہ چارمیکو و تینا لیگ انا آخریکو میچ ءِ 19 جون آ سکاٹ لینڈ نا برخلاف گوازی کیک۔