پاکستان و انگلینڈ نا ٹیمک مسٹ میکو و اہم میچ اٹی (اینو) مون پہ مون مریرہ ، انگلش ٹیم ءِ پنچ میچ آتا سیریز اٹی 2-0 نا برتری دوئی

پاکستان و انگلینڈ نا ٹیمک مسٹ میکو و اہم میچ اٹی (اینو) مون پہ مون مریرہ ، انگلش ٹیم ءِ پنچ میچ آتا سیریز اٹی 2-0 نا برتری دوئی

ناٹنگھم (پاکستان نیوز پوائنٹ 29اگست 2016ء) پاکستان و انگلینڈ نا کرکٹ ٹیم تا نیام اٹ پنچ اسہ دے ئی بین الاقوامی کرکٹ میچ آتیا تالان سیریز نا مسٹ میکو و اہم میچ (اینو) سے شنبے آ ناٹنگھم اٹی گوازی کننگک۔ میزبان انگلش ٹیم ءِ سیریز اٹی 2-0 نا برتری دوئی ءِ۔ انگلینڈ گرین شرٹس ءِ اولیکو ون ڈے ٹی 44 رنز و ارٹ میکو ون ڈے ٹی 4 وکٹ آتیان شکست تسوسس۔ سیریز نا مسٹ میکو میچ پاکستان کن بے کچ اہمیت نا حامل ءِ۔

گرین شرٹس اتون دا میچ ءِ کٹسا سیریز اٹی کم بیک کننگ نا موقع ءِ ، شکست نادروشم اٹی اودے سریز آن ہم دوتے سلوئی مریک۔ ارٹ میکو کنڈ انگلش ٹیم عمدہ کارکڑد نا تسلسل ءِ برقرار تخسا سیریز اٹی فیصلہ کن برتری دوئی کننگ کن پرعزم ءِ ہنداخاطران ہڑتوم آ ٹیم تا نیام اٹ سخت مقابلہ نا اومیت کننگ انگ ءِ۔ ہڑتوم آ ٹیم تا نیام اٹ سیریز نا چارمیکو میچ یکم ستمبر آ لیڈز وخت اس کہ پنچ میکو و آخریکو میچ 4 ستمبر آ کارڈف اٹی گوازی کننگک، پاکستان و انگلینڈ نا نیام اٹ اسٹ انگا ٹی ٹونٹی میچ 7 ستمبر آ گوازی کننگک۔