ڈبلن(پاکستان نیوز پوائنٹ 19اگست 2016ء) پاکستان و آئر لینڈ نا کرکٹ ٹیم آتا اِرا ون ڈے میچ آتا سیریز نا ارٹ میکو و آخریکو کرکٹ میچ (اینو) ہفتہ غا ڈبلن اٹی گوازی کننگک۔ داکان مست ہڑتوم آ ٹیم تا نیام اٹ گوازی کروک آ اولیکو میچ اٹی پاکستان آئر لینڈ نا ٹیم ءِ بھلو مارجن 255 رنز اٹ شکست تسوسس۔ ارٹ میکو ون ڈے میچ آن پد پاکستان و انگلینڈ نا ٹیم تا نیام اٹ پنچ ون ڈے میچ آتا سیریز نا بناء مریک و ہڑتوم آ ٹیم تا نیام اٹ اولیکو میچ 24اگست آ ساؤتھمپٹن اٹی گوازی کننگک، ارٹ میکو ون ڈے میچ 27 اگست آلارڈز اٹی گوازی کننگک، مسٹ میکو ون ڈے میچ 30 اگست آ نوٹنگھم اٹی گوازی کننگک۔
چارمیکو ون ڈے میچ یکم ستمبر آ ہیڈ نگلے ٹی گوازی کننگک و پنچ میکو و آخریکو ون ڈے میچ 4 ستمبر آ کارڈف اٹی گوازی کننگک۔ سیریز نا اسٹ انگا ٹی ٹونٹی میچ 7 ستمبر آ مانچسٹر اٹی گوازی کننگک۔
