ویلنگٹن(پاکستان نیوز پوائنٹ 15مارچ2017ء) نیوزی لینڈ و سویلی افریقہ نا کرکٹ ٹیم تا نیام اٹ ارٹ میکو ٹیسٹ میچ (اینو) پنچ شنبے آن 20 مارچ اسکان بیسن ریزور، ویلنگٹن اٹی گوازی کننگک۔ ڈونیڈن اٹی گوازی کروک آ سیریز نا اولیکو ٹیسٹ کٹنگ و باتننگ نا فیصلہ آن بیدس چٹاسس۔ نیوزی لینڈ ٹیم اکن خراب ءُ خبراس دادے کہ مایہ ناز فاسٹ باؤلر ٹرینٹ بولٹ نا فٹنس ویل آتا سوب سویلی افریقہ نا برخلاف ارٹ میکو کرکٹ ٹیسٹ میچ اٹی شرکت مشکوک مس۔
فاسٹ باؤلر نا ارٹ میکو ٹیسٹ اٹی شرکت ناگڈیکو فیصلہ میچ بناء مننگ آن مست کننگک۔ بولٹ سویلی افریقہ نا برخلاف گوازی کروک آ اولیکو ٹیسٹ اٹی کولہے نا انجری ٹی مبتلا مسوسس۔ نیوزی لینڈ ٹیم مینجمنٹ نا کنڈآن جاری کروک بیان نار داٹ بولٹ داوخت اسکان سد درسد فٹ متنے ہنداخاطران او ٹریننگ سیشن اٹی ہم بشخ ہلتو۔ بولٹ نا ارٹ میکو ٹیسٹ اٹی دستیابی نابارواٹی فیصلہ میچ انا بناء مننگ آن مست کننگک۔ ہڑتوم آ ٹیم تا نیام اٹ مسٹ میکو و آخریکو ٹیسٹ 25آن 29 مارچ اسکان سیڈن پارک ، ہیملٹن اٹی گوازی کننگک۔
