کراچی آپریشن ءِ برجاء تخنگ کن رینجرز آتا واک آتیٹی ودکی کننگے، دوائی تا نرخ آتے ٹی ودکی آن لس بندغ زہمی مریک جمعیت علمائے اسلام (ف) نا کسرشون سینیٹر حافظ حمداللہ نا میڈیا تون ہیت وگپ

کراچی آپریشن ءِ برجاء تخنگ کن رینجرز آتا واک آتیٹی ودکی کننگے، دوائی تا نرخ آتے ٹی ودکی آن لس بندغ زہمی مریک جمعیت علمائے اسلام (ف) نا کسرشون سینیٹر حافظ حمداللہ نا میڈیا تون ہیت وگپ

اسلام آباد(پاکستان پوائنٹ نیو ز 29۔جولائی۔2016ء) جمعیت علمائے اسلام (ف) نا کسرشون سینیٹر حافظ حمداللہ پارینے کہ کراچی ٹی آپریشن ءِ برجاء تخنگ کن رینجرز آتا واک آتیٹی ودکی کننگے تانکہ ڈوہدار بندغ آک فائدہ ہرفنگ کپس۔ دوائی تا نرخ آتیٹی ودکی آن لس بندغ زہمی مریک۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ جمعیت علمائے اسلام (ف) حکومت نا اتحادی جماعت ءِ ولے ہراڑے کہ حکومت آن غلطی مریک تو نن بطور جماعت دابابت حکومت ءِ المی معلومدار کرین۔

دوائی تا نرخ آتا ہراتسکان تعلق ءِ حکومت ءِ نوٹس ہلسا دوائی تے متکنا نرخ آتیا ہتوئی مرے۔ دا ودکی آن لس بندغ زہمی مریک ۔ اوپارے کہ کراچی ٹی دہشت گرد آتا برخلاف آپریشن ءِ برجاء تخوئی مرے۔ کراچی پاکستان نا معاشی بنجاءِ اگہ امن و ایمنی نا حالیت آک گچین متوس تو واپاری و کاروباری سرجزآک زہمی مریرہ۔ اوپارے کہ غٹ سیاسی جماعت آک کراچی آپریشن آ اتفاق کریسر داتناظر اٹی رینجرز نا واک آتیٹی ودکی کننگے تانکہ ڈوہدار بندغ آک فائدہ ہرفنگ کپس۔

اسہ سوج اسینا ورندی ٹی اوپارے کہ سعودی عرب نا شاردمام اٹی پاکستانیک بندی ءُ۔ حکومت و وزارت خارجہ ءِ اوفتے ملک آ پدی ہتنگ کن کاریم کروئی مرے داوڑ انڈونیشیاء ٹی سزائے موت کنوک آ پاکستانی نا سزاغا میڈیا مثبت کڑدادا کرے۔ دابابت انڈونیشیاٹی پاکستانی سفیر مبارکباد نا حقدار ءِ۔