بزغر پیکج نا رداٹ بیرہ پنجاب تینا بشخ انا زر ءِ تس، پین اسے صوبہ اس ہم تینا بشخ ءِ شاغتنے، پنجاب اٹی کشارگر تے 23ارب 67کروڑ روپئی نا زر تننگا، وزارت قومی غذائی رکھ و پٹ وپول

اسلام آباد(پاکستان نیوز پوائنٹ 01 فروری2016ء) قومی اسمبلی ءِ پاننگانے کہ بزغر پیکج نا رداٹ بیرہ پنجاب تینا بشخ انا پیسہ غاتے تسنے ایلو پین اسے صوبہ اس ہم تینا بشخ ءِ شاغتنے ہنداسوب داڈٹ انا رداٹ بیرہ پنجاب اٹی کشارگر آتے 23ارب 67کروڑ روپئی نا زر تننگا۔ چارشنبے آ وقفہ سوج آتیٹی وزارت قومی غذائی رکھ و پٹ وپول نا کنڈآن پارلیمانی سیکرٹری چوہدری جعفراقبال پارینے کہ بزغر پیکج نا رداٹ داوخت اسکان پنجاب نا 33ضلع غاتیٹی 10لکھ 80 ہزار213کشارگر آتیٹی 23ارب 67کروڑ روپئی نا زر بشخ وپانٹ کننگانے۔ بیرہ پنجاب تینا بشخ انا پیسہ غاتے تس، پین اسے صوبہ اسے نا کنڈآن داٹی کنٹری بیوشن کننگ تنے۔