اسلام آباد(پاکستان نیوز پوائنٹ 31جنوری2016ء) وزیراعظم محمد نواز شریف و فلسطین نا صدر محمود عباس سے شنبے آ داڑے فلسطینی سفارت خانہ نا پوسکن آ ماڑی نا بناءِ کرے۔ دا چرجوئی ٹی فلسطینی سفارت خانہ نا ماڑی ٹی اسہ سادہ ءُ ولے پروقار ءُ دود اس اڈ ہلک ہراٹی وزیراعظم محمد نواز شریف و فلسطین نا صدر محمود عباس آن بیدس فلسطینی سفیر و سفارت خانہ نا سینئر کمامدارآک بشخ ہلکر۔
داوخت آ ہڑتوم آ ملک آتا قومی ترانہ ءِ خلنگا۔ وزیراعظم محمدنواز شریف و فلسطینی صدر پاکستان و فلسطین نا بیرک آتیان آراستہ کیک اس ہم کاٹ کریر۔ داکان مست فلسطینی سفارت خانہ ٹی بننگ آ صدر محمود عباس وزیراعظم نا جم و جوش اٹ خیرمقدم ءِ کرے، ہڑتوم آ راہشونک سفارت خانہ نا ماڑی آ فلسطین نا بیرک ءِ ہم چست کریر۔ اوسفارت خانہ نا تختی نا نقاب کشائی ءِ ہم کرے۔ وزیراعظم محمد نواز شریف مہمان تا کتاب اٹی تینا تاثرآتے ہم نوشتہ کرے۔ فلسطینی سفار ت خانہ نا ماڑی ءِ پاکستان ٹیکی کرینے۔
