اسلام آباد(پاکستان نیوز پوائنٹ 30جنوری2016ء) وزیراعظم محمد نواز شریف پارینے کہ ساڑی حکومت نا شونداری و شرحالی سکیمک پاکستان نا الس نا خذمت و ملک اٹی دوئی وارخواہی تیان پبی فائدہ ہرفنگ کن اودے سہی سمت اٹی روان تخنگ کن ءُ۔ اوداہیت ءِ باسک قومی اسمبلی غلام بی بی بھروانہ تون دوشنبے آ ایوان وزیراعظم اٹی ہیت وگپ کرسا پارے۔ اوڑدہی ٹی غلام بی بی بھروانہ پارے کہ ملک اٹی سیکورٹی نا جم اٹنگا حالیت آتیٹی نمان گچینی بسنے ہراڑآن وزیراعظم نا سروکی ٹی اقتصادی سوگوی نا کسر ہموار مس۔
اوپارے کہ ملک انا طول و عرض اٹی رابطہ غاتا ڈٹ جاٹ و بجلی نا بشخ اٹی بھلوزرکاری اسے آن ملک انا معاشی حالیت آتیٹی پین گچینی بریک۔ اووزیراعظم ءِ تینا حلقہ نا کیہی شرحالی اسکیم تیان بابت معاملہ غاتیان ہم معلومدار کرے۔ وزیراعظم پارے کہ ساڑی حکومت نا پالیسی تا اولین اصول الس نا خذمت و اوفتے بااختیار جوڑ کننگ نا ءِ۔ وزیراعظم داہیت آ زورشاغا کہ پارلیمان نا باسک آک تینا تینا حلقہ غاتا الس تون خڑکی رابطہ غاتیٹی مریر تانکہ اوفتا نہادی آراء و سلاہ غاتے ہلنگ کیر۔
وزیراعظم پارے کہ امن و ایمنی نا حالیت آتیٹی گچینی آن بیدس مواصلاتی رابطہ غاتیٹی ودکی مسنے وخت اس کہ بجلی نا بشخ اٹی بھلو زرکاری اس کننگ انگ ءِ۔ داڑتون اوار اوار جان جوڑی و تعلیم نا اہم بشخ آتے مناسب توجوہ تننگ انگ ءِ۔
