کوئٹہ (پاکستان پوائنٹ نیوز۔28 جولائی۔2016) پیپلز پارٹی نا کسرشون و ضلع چاغی نا کونسل باسک میر قادر بخش محمد حسنی لعل آباد محمد حسنی ، قادر آباد محمد حسنی ہزارگنجی نا دورہ ءِ کرے۔ پنی عالم دین شیخ الحدیث مولانا عبدالاحد، جمعیت علماء اسلام ہزارگنجی نا امیر وائس چیئرمین شادینزئی حافظ محمد ابراہیم محمد حسنی، مسلم لیگ (ن) نا شاکر محمد حسنی و ایلوفک اودے بخیر کریر۔
داوخت آ علاقہ والاک پبی شرکت کریر۔ میر قادر بخش محمد حسنی پارے کہ اونا دورہ نا مسخت ایلمی و رابطہ کننگ آن خلقت آتا ویل آتے ایسر کروئی ءِ ، قبائلی معاملہ غاتے صرف تین پہ تینی ہیت وگپ آن ہی ایسر کننگ مریک۔ رواداری و سگ آن راج اٹی امن اڈ ہلیک و اسہ ایلو تون مابت ودی مریک۔ اوخلقت آتون جتا گلی تا دورہ ءِ کرے ، اوڑکن مدرسہ سلمان فارسی قادرآباد ہزارگنجی ٹی چاہ پارٹی اس تننگا۔
اوڑتون اوار ٹکری حمزہ محمد حسنی، وزیراعلیٰ ٹیم نا باسک نورخان محمد حسنی، لیاقت محمد حسنی، زمان خان محمد حسنی، جنید خان محمد حسنی، رحمت اللہ محمد حسنی، چاچا علی مراد محمد حسنی، رئیس علی بخش محمد حسنی، میر عظمت محمد حسنی، آغاعمرشاہ، ٹکری ادریس شاہ، حافظ عطاء اللہ ، حاجی عبدالکریم حافظ عبدالغیاث و ایلوک ساڑی ئسر۔
