کوئٹہ، نواں کلی ٹی گیس لیک مننگ نا سوب دھماکہ، مسہ چناتتون اوار 4بندغ تپاخت وخت اس کہ 2ٹھپی، پولیس

کوئٹہ(پاکستان نیوز پوائنٹ 26جنوری2016ء) کوئٹہ نا علاقہ نواں کلی نا اسہ اُراسے ٹی گیس لیک مننگ نا سوب دھماکہ، 4بندغ تپاخت کریر وخت اس کہ 2ٹھپی مسر۔ پولیس نا رداٹ پنچ شنبے آ کوئٹہ نا علاقہ نواں کلی ٹی واقع اسہ اُراسے ٹی گیس لیک مننگ ناسوب زورداردھماکہ مس ہراٹی بی بی گل، فواد خان، رادیقہ، تتوبی بی موقع غاہی تپاخت کریر وخت اس کہ محمد ذیان و جمشید خان ہشنگسا ٹھپی مسر ۔ پولیس لاش و ٹھپی تے سول ہسپتال آ گدریفے ہراڑے لاش آتے المی کارروائی آن پد اوفتا وارث آتا حوالہ کننگا وخت اس کہ ٹھپی تے طبی امداد تننگ انگ ءِ۔