اسلام آباد(پاکستان نیوز پوائنٹ 23وری2016ء) محکمہ موسمیات نا پاننگ ءِ بروک آ24گھنٹہ ٹی اسلام آباد و راولپنڈی تون اوار بڑزکو پنجاب ، خیبر پختونخوا، کشمیر و گلگت بلتستان اٹی جاگہ جاگہ پر و مش تیا برف باری نا گمان ءِ۔ پی ٹی وی نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ بلوچستان نا مشی آ علاقہ غاتیٹی برف باری نا چرجوئی دُوارہ بناء کرے ہرا نا بروک آ چارشنبے اسکان برجاہ سلنگ نا گمان ءِ۔
بروک آ 24گھنٹہ ٹی اسلام آباد و راولپنڈی تون اوار بڑزکو پنجاب، خیبرپختونخوا ، کشمیر و گلگت بلتستان و بلوچستان اٹی جاگہ جاگہ پر و مش تیا برف باری نا گمان ءِ بلوچستان نا گیشتر ہند آتیا پر انا ہم گمان ارے۔ محکمہ موسمیات نا رداٹ بروک آ ہفتہ ملک انا کیہی شار کوئٹہ، ژوب و قلات اٹی مش تیا برف باری، سے شنبے و چارشنبے آ سندھ اٹی ہم جاگہ جاگہ ہورہ و گروک تون پر وخت اس کہ چارشنبے و پنچ شنبے آ کشمیر و ہزارہ ٹاؤن ڈویژن اٹی جاگہ جاگہ پر و مش تیا برف باری نا گمان ءِ۔
