کوئٹہ(پاکستان پوائنٹ نیوز۔27 جولائی۔2016) سر وزیر بلوچستان نواب ثناء اللہ خان زہری ءَ گشتگ انت کہ بلوچستان پاکستان ءِ باندات انت ءُُ پاکستان ءِ دیمروی بلوچستان ءِ دیمروی ءِ گوں ہمگرنچ انت، بلوچستان ءَ لہتیں شعبہ آں دیمروی ءِِ بے پناہ امیت ءُُ سرمایہ کاری ءِ دراجیں موہ ھست انت، چوشکہ صوبہ ءَ سرمایہ کاری ءِ ھاتر ءَ ساز گار چاگرد ھست انت آئی ءَ سرمایہ کار سرجمیں پائدگ زرت کن انت حکومت آھاں ہر وڑیں آسراتی ءُُ تحفظ دنت۔
اے ھیال آنی درشانی آئی ءَ حکومت بلوچستان ءُُ ایٹلانٹس گروپ ( ایکواٹربائین) ءِ نیام ءَ بلوچستان ءَ 500میگاواٹ ءِ پاور پلانٹس جنئگ ءِ منصوبہ ءِ مفاہمتی یادداشت ءِ سرا دستخط کنگ ءِ دیوان ءَ گپ ءُُ تران کنگ ءَ کرتگ۔ چیف سیکرٹری بلوچستان سیف اللہ چٹھہ ءُُ وائس چیئر مین بلوچستان بورڈ آف انوسٹمنٹ خواجہ ہمایوں نظام ہم دیوان ءَ ھوار ات انت۔
حکومت بلوچستان ءِ نیمگ ءَ سیکرٹری توانائی چوشکہ ایٹلانٹس گروپ ءِ پاکستان ءَ نمائندگ ءَ مفاہمتی یادداشت ءِ سرا دستخط کرتگ، ایٹلانٹس گروپ ءَ توانائی ءِ پیداوارءِ ھاتر ءَ ریونیو ایبل انر جی ءِ نوکیں ٹیکنالوجی کار مرز کنت۔ اے منصوبہ توانائی ءِ پیداوار ءِ شعبہ ءَ ھاسیں شریں پیش رفت ءُُ صوبہ ءِ دیمروی ءَ کمک ثابت بیت۔ سرمایہ کار گروپ منصوبہ ءِ ھاتر ءَ درستیں سرمایہ دنت چوشکہ صوبائی حکومت ہمگرنچ بنجاہی ءُُ صوبائیا دارگ ءَ اینا و سی ءِ پجارینگ ءُُ دومی امور ءِ ھاتر ءَ کمک دنت۔
مفاہمتی یادداشت چار سال ءِ ھاتر ءَ قابل عمل بیت آئی ءِ یکجا رضا مندی ءَ دِگہ چار سال ءِ ھاتر ءَ دراجی دئیگ بیت، چوشکہ منصوبہ ءِ سرجمی ءِ وھد یک سال انت ءُُ ایٹلانٹس گروپ ءِ زانتکار فیز بلٹی رپورٹ ءِ تیاری ءِ زوت بندات کن انت۔ سر وزیر بلوچستان ءَ گشتگ کہ صوبائی حکومت صوبہ ءَ توانائی ءِ شعبہ ءَ سرمایہ کاری نہ الما سرجمیں خیر مقدم کن انت بلکں سرمایہ کار آں درستیں آسراتی ءُُ ترغیبات دئیگ بیت۔
آئی ءَ گشتگ کہ سرمایہ کاری ءِ ءِ ھاتر ءَ بورڈ آف انوسٹمنٹ ءِ جوڑ کنگ بیت تنکہ سرمایہ کار آں راھشونیءُُ آسراتی دات بہ کن انت آئی ءَ گشتگ کہ سرمایہ کاری ءِ دیمروی ءُُ صوبہ ءِ دیمروی ءِ ھاتر ءَ امن ءُُ ایمنی ءِ جاورال ءَ شر تر جوڑ کنگ ءَ انت تنکہ دیمروی کار ءَ یک وڑیں رکاوٹ پیداک نہ بیت۔ سر وزیر ءَ گشتگ کہ بلوچستان ءَ لہتیں شعبہ آں سرمایہ کاری ءِ بے پناہ موہ ھست انت۔ آھاں سرمایہ کار پائدگ زرت بہ کن انت۔
