یمن اٹی بندی بندغ آتا شہریت نا تصدیق ءِ کننگ انگ ءِ ، اگہ پاکستانی اس یمن اٹی بندی مس تو اودے پدی ہتنگ کن غٹ وسیلہ غاتے کاریم اٹ ہتنگک

اسلام آباد(پاکستان پوائنٹ نیوز۔27 جولائی۔2016) بنجائی وزیر واپار خرم دستگیر خان پارینے کہ یمن اٹی بندی بندغ آتا شہریت نا تصدیق ءِ کننگ انگ ءِ ، دا چرجوئی ٹی سفارتی رابطہ غاک جاری ءُ ، اگہ پاکستانی اس یمن اٹی بندی مس تو اودے پدی ہتنگ کن غٹ وسیلہ غاتے کاریم اٹ ہتنگک۔ چارشنبے آ ایوان بالا نا دیوان نا وخت آ سینیٹر مشاہد حسین سید نا توجوہ ترفوک نوٹس نا ورندی ٹی اوپارے کہ یمن نا حالیت آک خراب مننگ آن گڈ پھسائنگوک پاکستانی تے پدی ہتنگ کن حکومت خصوصی جہاز آتا بست و بند ءِ کرینے۔

ہراتسکان یمن نا جیل اٹی پاکستانی تا ساڑی گری نا تعلق ءِ دا چرجوئی ٹی گڑاس احوال آتارداٹ اوفتا کچ 22 و گڑاس نار داٹ10یا 6ءِ ولے داوخت اسکان او بندغ آتا شہریت نا تصدیق مننگ کتہ نے۔ داچرجوئی ٹی ننا اسلام آباد اٹی یمن نا سفارتخانہ نا کمامدارآتون رابطہ ءِ وخت اس کہ ریاض اٹی پاکستان نا سفارتی عملہ ہم تعلقدار کمامدار آتون رابطہ ٹی ءِ۔ اوپارے کہ وزارت داخلہ ءِ ہم داخلقت آتا شہریت نا تصدیق کن چھٹی اس نوشتہ کننگانے۔ اوپارے کہ حکومت تینا شاری تا ہر وڑنا کمک ءِ کیک۔ شہریت نا تصدیق مننگ آن گڈ یمن اٹی ساڑی پاکستانی تے پدی ہتنگ کن پبی گام گیج کننگک۔