انجمن ہلال احمر سوسائٹی ءِ چیر دستی ءَ وروکی ء ُ تھیلیسیمیا ءِ نادراھانی ھاترءَ بلڈ کیمپ ءِ بندوبست

اسلام آباد۔(پاکستان پوائنٹ نیوز۔27 جولائی۔2016) انجمن ہلال احمر سوسائٹی ءَ وروکی ء ُ تھیلیسیمیا ءِ نادراھانی ھاترءَ ھون پھجارینگ ءِ ھاترءَ بلڈ کیمپ ءِ بندوبست کتگ۔ چارشمبے ءِ روچءَ اسلا م آبادءِ ھندی ہوٹل ءَ انجمن ہلال احمر ء ِ نیمگءَ چہ بلڈ کیمپ ءِ بندوبست کنگ بوتگ کہ ایشی ءِ تہا ورناھاں ھون داتگ۔ بلڈ کیمپ ءِ ھڈ کنگءِ مول ء ُ مراد وروکی ء ُ تھیلیسیمیا ءِ نادراھانی ھاترءَ ھون ءِ بندوبست کنگ اِنت۔ انجمن ہلال احمر ءِ ڈائریکٹر ہیلتھ ڈاکٹر محمد محی الدین ءَ کیمپ ءِ ترء ُ تاب کتگ ء ُ بازیں سرگرمی آنی تپاسی کتگ۔ بلڈ کیمپ ءِ تہا جاڑیں شہر راولپنڈی/اسلام آباد ءَ چہ بازیں ورناھیں جنک ء ُ بچکاں ھون داتگ۔