اسلام آباد (پاکستان پوائنٹ نیوز۔27 جولائی۔2016) ہرچار آ صوبہ غاتیان الیکشن کمیشن نا پوسکن گچین مروک آ باسک آک پنچ سال اکن تینا عہدہ نا سوغند ہرفیر۔ چیف الیکشن کمشنر جسٹس (ر) سردار محمد رضا اوفتے آن سوغند ہلک۔ سوغندی دود چارشنبے آ الیکشن کمیشن سیکرٹریٹ اٹی اڈ ہلک ہراٹی سیکرٹری الیکشن کمیشن بابر یعقوب تون اوار کمیشن نا بڑزکو کمامدار آک شرکت کریر۔
سوغند ہرفوک آتیٹی پنجاب آن جسٹس (ر) الطاف ابراہیم قریشی، سندھ آن عبدالغفار سومرو، بلوچستان آن جسٹس (ر) شکیل بلوچ، خیبر پختونخوا آن جسٹس (ر) ارشادقیصر اوارو۔ دا باسک آتا گچینی ءِ حکومت و اپوزیشن نا کنڈآن تروک آ پن تیان پارلیمانی کمیٹی کریسس۔ الیکشن کمیشن نا اِرا باسک آتا مدت دونیم سال آن گڈ قرعہ اندازی نا کمک اٹ چٹک اوکان گڈ پنچ سال اکن اِرا پوسکن ءُ باسک آتا گچینی ءِ کننگک۔ الیکشن کمیشن نا ہرچار آ باسک آتا سوغند آن گڈ الیکشن کمیشن پورو مسنے اوکان گڈ التواء ٹی تموک ضمنی گچین کاری تتون اوار ایلو معاملہ غاتے زوت ایسر مننگ نا اومیت ارے۔
