پاک فوج انا سروک جنرل قمر جاوید باجوہ تون چین نا سفیر سن وی ڈونگ نا اوڑدہی

راولپنڈی(پاکستان نیوز پوائنٹ 13جنوری2016ء) پاک فوج انا سروک جنرل قمر جاوید باجوہ تون چین انا سفیر سن وی ڈونگ اوڑدہی کرے۔ پاک فوج انا شعبہ تعلقات عامہ نا ڈائریکٹر جنرل میجر جنرل آصف غفور نا ٹوئیٹ نا رداٹ جمعہ آ جی ایچ کیو راولپنڈی ٹی چین نا سفیر آرمی چیف تون اوڑدہی کرے ہراٹی چین نا سفیر سن وی ڈونگ دہشت گردی و انتہاپسندی نا برخلاف پاک فوج انا کوشست آتا ستاءِ کرے۔ چین نا سفیر پارے کہ پاک چین اقتصادی راہداری ڈٹ اکن کروک آ سیکورٹی بست و بند آتیا چین است جم ءِ ۔ اوڑدہی ٹی تین پہ تینی است خواہی نا معاملہ بشمول علاقائی سیکورٹی آ خیال آتا درشانی ءِ کننگا۔