اسلام آباد(پاکستان نیوز پوائنٹ 12جنوری2016ء) محکمہ موسمیات ہنداہفتہ نا ایسری آن مچ آ ملک اٹی پین پر و برف باری نا پیش گوئی کرینے۔ رپورٹ نا رداٹ دیکی تہوتا اسہ چرجوئی اس (اینو) جمعہ آ بلوچستان نا کسرتیان ملک اٹی پترینگک و داچرجوئی ٹی زیر اثر بلوچستان اٹی جمعہ آن یک شنبے نا وخت گیشتر ہند آتیا، سندھ اٹی جمعہ آن ہفتہ نا وخت گڑاس ہند آتیا، اسلام آباد، بڑزکو پنجاب اٹی یک شنبے آن چارشنبے نا وخت جاگہ جاگہ ، سویلی پنجاب اٹی ہم ہفتہ و یک شنبے نا دے گڑاسن ہند آتیا، وخت اس کہ خیبر پختونخوا ، فاٹا و گلگت بلتستان اٹی ہفتہ آن چارشنبے نا وخت جاگہ جاگہ ہورہ و گروک اتون پر و مش تیا برف باری نا گمان ءِ۔
پنچ شنبے آ ریکارڈ کروک آ کم از کم درجہ حرارت نا رپورٹ نا رداٹ کالام اٹی درجہ حرارت منفی 15ڈگری سینٹی گریڈ، استور اٹی منفی 14، سکردو منفی 13، گوپس، گلگت منفی 9، بگروٹ ، دیر ، قلات منفی 8، راولاکوٹ، مالم جبہ منفی 7، ہنزہ منفی 6، پاراچنار، مری ، کوئٹہ منفی 5، دروش منفی 4، بونجی ، رسالپور، دالبندین ، چلاس و کاکول اٹی منفی 3ڈگری سینٹی گریڈ ریکارڈ کننگا۔ محکمہ موسمیات نا رداٹ گدرینگوک آ 24گھنٹہ نا وخت ملک انا گیشتر علاقہ غاتیٹی موسم یخ و خشک سلیس وخت اس کہ پنجاب نا میدانی علاقہ و بڑزکو سندھ گوتلو نا پلویڑ اٹی ئس۔
