بلوچستان آن تعلق تخوک آ سینیٹر سردار اعظم خان موسیٰ خیل نا احتجاجاََ واک آؤٹ، تینٹ ہی پدی بس

اسلام آباد(پاکستان نیوز پوائنٹ 10جنوری2016ء) بلوچستان آن تعلق تخوک آ سینیٹر سردار اعظم خان موسیٰ خیل احتجاجاََ واک آؤٹ آن پد زوت تینٹ ہی ایوان اٹی پدی بس۔ سے شنبے آ ایوان بالا وقفہ سوج آتیٹی سینیٹر سردار اعظم موسیٰ خیل وقفہ سوج آتا وخت غیر تعلقدار سوج اس کرے وپارے کہ دانا ورندی ءِ تننگ تو تو او واک آؤٹ کیک ہراڑآ ایوان اٹی مخو اس لگا۔ سوج انا ورندی ملپننگ آ او ایوان آن واک آؤٹ کرے و ولدا فوراََ تینٹ ہی پدی بس ہراڑآایوان اٹی دُوارہ مخواس تما۔ سردار اعظم موسیٰ خیل پارے کہ ای سوج اکن بسونٹ ، مون آ کنا سوج بننگ ءِ۔