کابل۔ (پاکستان پوائنٹ نیوز۔26 جولائی۔2016) اوگانستان ءِ قطی صوبہ سرائے پل ءَ آپریشن ءِ وھد ءَ 15عسکریت پسند بیران ءُُ 52ٹپی بوت انت۔ تکار ءَ یک جھڑپ ءِ وھد ءَ یک فوجی کارندہ ءُُ پنچ طالبان بیران بوت انت۔ ننگر ہار ءَ آپریشن ءِ وھد ءَ داعش ءِ 22شدت پسند ءَ کشگ ءِ دعویٰ کرتگ انت۔ اوگان میڈیا ءِ ردا سرکاری حکام ءَ گشت انت کہ قطبی صوبہ سرائے پل ءَ یک آپریشن ءِ وھد ءَ 15عسکریت پسند بیران ءُُ 52ٹپی بوت انت۔
اے کارروائی ضلع صیاد ءَ صوبہ فاریاب ءِ سیم سری دمگ ءَ کرت انت۔ اے دمگ ءَ دو روچ دیما عسکریت پسند اُرش کرتگ ات انت۔ شمالی صوبہ تخار ءَ یک جنگ ءُُ جیڑھ ءِ وھد ءَ یکی فوجی کارندہ ءُُ پنچ طالبان بیران بوتگ ات انت۔ حکام ءِ ردا اے جنگ ضلع در قد ءَ بوتگ آئی ءَ سے سیکورٹی کارندہ ءُُ یانزدہ طالبان ٹپی بوت انت۔ صوبہ ننگر ہار ءَ آپریشن ءِ وھد ءَ داعش ءِ 22شدت پسند آں کشگ ءِ دعویٰ کرتگ انت۔ صوبائی گورنر ءِ ترجمان عطاء اللہ خوگیانی ءَ گشتگ کہ آپریشن ءِ وھد ءَ لہتیں دمگ آں کارروائی کرت انت ءُُ اے وھد ءَ بازیں ٹھکانہ آں تباہ کرت انت۔ آئی ءَ گشتگ کہ اے آپریشن ءَ ضلع کوٹ ءَ داعش ءِ یک ھاسیں کمانڈر سعد اماراتی ہم جنئگ بوتگ انت۔ سعد اماراتی ءِ سیادی صوبہ لوگر ءَ ات۔
