اسلام آباد۔(پاکستان پوائنٹ نیوز۔26 جولائی۔2016) دفاعی تجزیہ کار لیفٹیننٹ جنرل ( ر) رضا محمد خان ءَ گشتگ انت کہ پاکستان اوگانستان ءَ محکم امن ءِ واہشت داریت۔ ریڈیو پاکستان ءِ گوں گپءُُ تران کنگ ءَ آئی ءَ گشتگ کہ اے گپ ءَ یک ءَ شک نہ بوھگ بیت کہ پاکستان اوگانستان ءَ محکم امن ءِ واہشت داریت آئی ءَ گشتگ کہ آھاں کابل ءَ نا شرکار اُرش ءُُ قیمتی جان آنی ضیاع بوھگ ءِ سرا باز ڈکھ ءُُ اپسوزے ءِ درشانی کرتگ انت۔
آئی ءَ گشتگ کہ اوگانستان ءَ قیام امن ءِ ھاتر ءَ دوئیں ملک آنی حکومت آں یکجا کار کنگ ءِ ضلورت انت، لیفٹیننٹ جنرل رضا محمد خان ءَ گشتگ کہ پاکستان ءَ ھستیں بازیں اوگان مہاجرین جرائم ءَ ہمگرنچ انت۔ آئی ءَ گشتگ کہ پاکستان ءَ اوگان مہاجرین آں پر امن وڑ ءَ انخلا باز المی انت، ملا منصور ءِ ھوالہ ءَ جست کرتگیں جست ءِ پسو ءَ آئی ءَ گشتگ کہ آئی ءِ بیرانی ءَ اوگانستان ءَ قیام امن ءِ ھاتر ءَ کرتگیں کوشست آں تاوان رستگ انت۔
