تحصیل تمبو ٹی اَرے سم کاری کرسا زائیفہ و اونا مبینہ آشنانا خون ءِ کرے

ڈیرہ مراد جمالی(پاکستان نیوز پوائنٹ 09جنوری2016ء) تحصیل تمبو نا علاقہ ٹی اَرے سم کاری کرسا تینا زائیفہ و اونا مبینہ آشناءِ کاروکاری نا دوبہ ٹی اوفتاخون ءِ کرے ، دوبہ دار نرا۔ پولیس نا رداٹ نصیر آباد نا تحصیل تمبو نا پولیس تھانہ خان کوٹ نا دنگ گوٹھ بقاء محمد اٹی دوبہ دار سراج احمد کاروباری نا دوبہ ٹی سم کاری کرسا مسماة (س) و اونا مبینہ آشناگل حسن نا خون ءِ کرے و نرا، احوال ملنگ آ خان کوٹ پولیس جاگہ غا سرمس و لاش تے تحویل اٹی ہلسا ڈیرہ مراد جمالی نا ہسپتال آ سرکریر و المی کارروائی آن پد لاش تے اوفتا وارث آتا حوالہ کننگا و پولیس احوالی رپورٹ ءِ درج کرسا دوبہ دارآتا پٹنگ نا بناءِ کرینے۔