کوئٹہ۔(پاکستان پوائنٹ نیوز۔26 جولائی۔2016) اسپیکر بلوچستان اسمبلی بانک راحیلہ حمید خان درانی ءَ گشتگ انتکہ قیمتی سنگ آنی کار ءُُ بار میاں استمانی معیشت ءَ ارب آنی ڈالر ءِ حجم داریت آئیءَ گشتگ کہ قیمتی سنگ ءُُ زیور آنی ڈیزائننگ ءُُ آئی ءِ در آمد ءُُ بر آمد ءِ باروا کار ءُُ بار ءَ دیمروی دئیگ ءَ ماں لکھ آنی بے روزگار ورنا آں روزگار دات کن انت آ پاکستانی جیمز اینڈ جیولری ڈویلپمنٹ کمپنی بنجاہی وزارت پیداوار ءِ بندءُُ بست ءَ سرٹیفکیٹ آنی بہرءُُ بانگ ءِ ھوالہ ءَ یک دیوان ءَ تران کنگ ءَ ات۔
اے دیوان ءَ دومی ھاسیں مردم ، بلکں چیئر مین پاکستان جیمز اینڈ جیولری ڈویلپمنٹ کمپنی عبدالرزاق، چیف ایگزیکٹو آفیسر پی جی جے ڈی سی بختیار خان، وائس چانسلر سردار بہادر خان وومن یونیورسٹی بانک رخسانہ جبین، باسک بلوچستان اسمبلی بانک معصومہ حیات، پرنسپل پاکستان جیمز اینڈ جیولری ٹریننگ اینڈ مینو فیکچرنگ سینٹر کوئٹہ سید بشیر آغا ، سینئر جیمالوجسٹ جلیل احمد بڑیچ، چیئر پرسن بلوچستان وومن بزنس ایسو سی ایشن بانک ثناء درانی، چیئر مین جیالوجی ڈیپارٹمنٹ یونیورسٹی آف بلوچستان ایوب بلوچ، نیوتیک ءِ افسر بلال ءُُ ایوب سمالانی، صرافہ ایسو سی ایشن کوئٹہ ءِ صدر احسان دوتانی، سمیڈا ءِ صوبائی ڈائریکٹر عبدالشکور بلوچ، ٹرید ٹیسٹنگ بورڈ ءِ آفیسر تاج محمد، انجمن تاجران بلوچستانءِ راھشون سید تاج آغا ءُُ عبدالرحیم کاکڑ ءُُ نو در بر آنی مزنیں کساس ءَ بہر زرتگ۔
اسپیکر بلوچستان اسمبلی ءَ گشتگ کہ پاکستان ھاس کن بلوچستان صوبہ قدرتی وسیلگ ءِ ھواری ءَ قیمتی سنگ آں پر انت ۔ آئی ءَ گشتگ کہ قیمتی سنگ ءُُ زیور آنی کار ءُُ بار ءَ دیمروی دئیگ ءَ چہ ماں روزگارءِ ہزار آنی موہ پیداک کرت کن انت۔ آئی ءَ بنجاہی حکومتءَ درخواست کرتگ کہ آ بلوچستان ءَ قیمتی سنگ ءُُ زیور آنی کار ءُُ بار ءَ سرکاری پڑ ءَ انڈسٹری ءِ درجہ بہ دئینت ءُُ اے شعبہ ءَ سرکاری پڑ ءَ آ درستیں آسراتی بہ دئینت کہ آ انڈسٹری ءَ داتگ انت چیف ایگزیکٹو آفیسر پی جی جے ڈی سی بختیار خان ءَ گشتگ کہ میاں استمانی کار ءُُ بارءُُ معیشت ءَ قیمتی سنگھ ءُُ زیور آنی کارءُُ بار ءَ ھاس حیثیت ھست انت پدا پی جی جے ٹی ایم سی کوئٹہ ءَ وتی ھیل کاری کورس سرجم کنوک نو در بر آنی نیام ءَ سرٹیفکیٹ بہر ءُُ بانگ کرت انت۔
