کوئٹہ(پاکستان نیوز پوائنٹ 05جنوری2016ء) وزیراعلیٰ بلوچستان نواب ثناء اللہ خان زہری صوبہ نا غٹ ڈپٹی کمشنر آتے تینا تینا ضلع غاتیٹی جعلی دوائی تابرخلاف کریک ڈاؤن کننگ نا پارت کرینے ، وزیراعلیٰ نا کنڈآن پاننگانے کہ کوئٹہ آمبار غٹ ضلع غاتیٹی جعلی دوائی تا تیاری و بہا کننگ نا برخلاف پبی کارروائی کننگے و داگھناؤنی کاروبار اٹی اوار عنصر آتے کانود نارداٹ سزا تننگے ہرا کودک انسانی زند آتون گوازی کننگ ءُ۔
وزیراعلیٰ عطائی ڈاکٹر آتا برخلاف ہم کارروائی کننگ نا پارت کرینے وخت اس کہ او خاص و مر مر انا پدتموک آ علاقہ غاتیٹی جعلی دوائی تا بہاء کننگ نا احوال آتا سختی اٹ نوٹس ءِ ہلسا ڈپٹی کمشنر آتے پارت کرے کہ او تینا تینا ضلع نا ہر علاقہ ٹی دا عنصر آتا برخلاف کارروائی ءِ المی جوڑ کننگے۔
