اسلام آباد (پاکستان پوائنٹ نیوز۔26 جولائی۔2016) صدر ممنون حسین ءَ بلوچستان ءَ دیم روئی کارانی سرءَ سدکّی ءِ درشانی کتگ ء ُ گشتگ کہ پاک چین اقتصادی راہداری منصوبہ ء ُ گوادر پورٹءِ جوڑ بوھگءَ چہ بلوچستانء ِ تہا وشھالی کیئت۔ اے گپ آئی ءَ گورنربلوچستان محمد خان اچکزئی ءِ گوما سئے شمبے ءِ روچءَ ایوان صدر ءَ گند ءِ نندءِ وھدءَ کتگ۔ گورنر بلوچستان ءَ صدر ءَ را بلوچستان ءِ جاورھال ءِ ھوالگءَ شونشت داتگء ُ گشتگ کہ بلوچستانءِ تہا امنء ُ ایمنی ءِ جاورھال گہتر بوتگ۔
ملکء ِ صدرءَ بلوچستان ءِ سیکیورٹی ءِ جاورھال ءِ سرءَ سدکّی ء ِ درشانی کتگ ء ُ گشتگ کہ حکومت خطہ ءِ تہا امنء ُ ایمنی ءِ ھاترءَ کوشست کنگءَ اِنت۔ ملک ءِ صدر ءَ گشتگ کہ حکومت بلوچستان ءَ را دومی صوبہ آنی ھم کچ کنگءِ ھاترءَ گامگیج کنگءَ اِنت۔ ملک ءِ صدرءَ گشتگ کہ پاک چین اقتصادی راہداری منصوبہ ء َ چہ بلوچستان ءِ تہا امنء ُ ایمنی ءِ کشک پچ بنتء ُ آھودے ورناھانی ھاترءَ روزگار ءِ نوکیں موھ دست کپ اَنت کہ ایشی ءَ چہ آھانی زندانی تہا مٹی کیئت۔
