نوکیں اسلام آباد ایئرپورٹ آیوکیں سالے جون ءِ ماھ ءَ تاں سرجم بیت، شیخ آفتاب احمد

اسلام آباد (پاکستان پوائنٹ نیوز۔26 جولائی۔2016) بُنجاھی وزیر پارلیمانی کار شیخ آفتاب احمد ءَ گوشت کہ نوکیں اسلام آباد ائیرپورٹ ءِ 73درسد کار سرجم بوتگ، نوکیں سالے جون ءِ ماھ ءَ تاں ایش سرجم کنگ بیت۔ سئے شمبے ءَ ایوان ءِ بالا ءِ دیوان ءَ جُست آنی اوشت ءِ تہ ءَ سینیٹر احمد حسن‘ سعید الحسن مندوخیل ءُُ اشوک کمار ءِ جُست آنی پسو ءَ بُنجاھی پارلیمانی کار ءِ وزیر شیخ آفتاب احمد ءَ ایوان ءَ را گوشت کہ نوکیں اسلام آباد ائیرپورٹ ءِ 73درسد کار سرجم بوتگ۔ 25دسمبر ءَ تاں توامیں کار پور کنگ بنت ، اُمیت ھمے دارگ بوھگ ءَ اِنت کہ بالی پٹ ءَ را آپریشنل کنگ ءِ ھاترا شش ماھ درکار بیت۔ آئی ءَ گوشت کہ نوکیں سالے جون ءِ ماھ ءَ ائیرپورٹ سرجم کنگ بیت۔