امریکی سفیر ڈیوڈ ہیل ءِ عبدالستار ایدھی ءِ ھاندان ءِ گوں گند ءُُ نند

کراچی۔(پاکستان پوائنٹ نیوز۔25 جولائی۔2016) پاکستانءَ ھستیں امریکی سفیر ڈیوڈ ہیل ءَ نامور پاکستانی چاگردی کارندہ عبدالستار ایدھی ءِ ھاندانءِ گوں گند ءُُ نند کرتگ۔ اے موہ ءَ ڈیوڈ ہیل ءَ گشتگ کہ ایدھی صاھب ءَ رنگ، مذہب ءُُ زبان ءَ یک نیمگ ءَ ایر کنگ ءَ انسانی ءِ ھذمت کرتگ ءُُ بانی پاکستان قائد اعظم محمد علی جناح ءِ مشن ءَ دیما برتگ۔ ڈیوڈ ہیل ءَ گشتگ کہ عبدالستار ایدھی ءَ آئی ءِ بے مثال چاگردی ھذمتءِ ھاتر ءَ ہر وھد ءَ یات دارگ بیت۔ آئی ءِ بیرانی ءَ انچیں خلا پیداک بوتگ انت کہ آ ھچ پر کنگ نہ بیت۔ مشکل ءِ اے وھد ءَ امریکی حکومت ءُُ اُلس ایدھی صاحب ءِ ھاندان ءِ گوں ھوار انت۔