کوئٹہ۔ (پاکستان پوائنٹ نیوز۔25 جولائی۔2016) گوادر پورٹ اتھارٹی ءِ چیئر مین دوستیں خان جمالدینی ءَ گشتگ انت کہ گوادر ءِ لیبی آں بے پناہ ٹیلنٹ ھست انت اگاں آھاں موہ ءُُ آسراتی بہ دئینت گڑا آ بلوچستانءُُ پاکستان ءِ نام رژن کرت کن انت۔ لیب ءِ پڑ ءَ آبات بوؤکیں ورنا آں چاگردی ھرابی ءَ دور داشت کن ات۔ اے ھیال آنی درشانی آئی ءَ گوادر ءِ میر غوث بخش بزنجو اسٹیڈیم ءَ میر اکبر کلمتی میوریل فٹ بال ٹورنامنٹ ءِ افتتاحی دیوان ءَ تران کنگ ءَ کرتگ۔
اے موہ ءَ میونسپل کمیٹی گوادر ءِ چیئر مین بابو گلاب، گوست صوبائی وزیر میر عبدالغفور ءُُ ضلعی انتظامیہ ءِ افسر ءُُ شہری ءُُ فٹ بال ءِ سیل کنوک آنی مزنیں کساس ھوار ات۔ گوادر پورٹ اتھارٹی ءِ چیئر مین دوستین جمالدینی ءَ گشتگ کان سلامتی چاگرد ءِ قیام ءِ ھاتر ءَ لیبی آنی ارزشتءَ انکار کرت نہ کنت گوادر ءَ فٹ بال زمانہ کہن ءَ باز شوق ءَ لیب کن انت ءُُ گوادر ءَ سیادی داروک زانتکار لیبی سلطن آف عمان ءِ بنجاہی ٹیم ءِ بہر بوتگ ات انت۔ آئی ءَ میر اکبر کلمتی میموریل فٹ بال ٹورنامنٹ ءِ اڈ کنگ ءِ خیر مقدم کنگ ءَ گشتگ کہ ٹورنامنٹ اودا گوادرءِ ورنا لیب ءِ زانتکاریءَ دیما آھگ ءَ انت اوداورنا نسل ءَ چاگردی ھرابی دور دارگ ءَ ھاسیں کرد پیش کنت۔
