ڈی آئی خان، سندھ ءِ کورءِ تہا جان شودگ ءِ وھدءَ 5مردم بُھک اِتگ اَنت

اسلام آباد (پاکستان پوائنٹ نیوز۔25 جولائی۔2016) ڈی آئی خان، سندھ ءِ کورءِ تہا جان شودگ ءِ وھدءَ 5مردم بُھک اِتگ اَنت۔ نجی ٹی وی ءِ تہا گشگ بوتگ کہ ڈیرہ اسماعیل خان ءَ سندھءِ کورءَ جان شودگ ء ِ وھدءَ 5مردم بُھک اِتگ اَنت۔ ریسکیو ٹیم آں وھدءِ سرءَ کاروائی کتگء ُ 3مردم ٹپیگ ھالتءَ سندھءِ کورءَ چہ رکھینتگ وھدے کہ دگہ 2مردمانی پٹء ُ پول ءِ کار جاری اِنت ۔ ریسکیو وسیلگءَ ھال داتگ کہ رکھینتگیں مردمانی تہا فاطمہ نامی یک زالبولے ھم ھوار اِنت، آماچیں مردم ڈسٹرکٹ نادراھ جاھءَ سرکنگ بوتگ کہ نوں آھانی ھالت ھترہ ءَ چہ ڈن گشگ بوھگءَ اِنت۔