اسلام آباد(پاکستان نیوز پوائنٹ 22دسمبر2016ء) مسکوہی سفیر نجم الدین شیخ پارینے کہ وزیراعظم محمد نواز شریف نا دورہ بوسنیا آن ہڑتوم آ کنڈآتا تعلقداری تتون اوار واپار ءِ مون آ دننگک۔ ریڈیو پاکستان تون ہیت وگپ کرسا اوپارے کہ بوسنیا ہرزیگوینا تون پاکستان نا دیرینہ رشتہ ءِ و داہمووخت زیات سوگو مس ہراتم یوگوسلاویہ ٹی خانہ جنگی برجاء ئس و سربیا بوسنیا نا مسلمان تیا بیدادی کریکہ، ہمووخت پاکستان نا حکومت و الس اوفتے تون پبی تفے ۔
ہندا سوب ءِ کہ بوسنیا نا حکومت و الس پاکستان ءِ عزت نا نظراٹ ہریرہ۔ مسکوہی سفیر پارے کہ وزیراعظم محمد نواز شریف نا دورہ بوسنیا آن ہڑتوم آ ملک آتا ہڑتوم آ کنڈآتا تعلقداری تتون اوار واپار ءِ مون آ دننگک۔ اوپارے کہ بوسنیا واپار نا بابت یورپی ملک آتسکان رسینگ تون اوار اوار جوڑجاڑی و پاٹ انا صنعت اٹی بھاز مہارت تخک ہراڑآن پاکستان فائدہ دوئی کننگ کیک و پاکستان تینا ٹیکسٹائل نا مصنوعات آتے بوسنیا نا مارکیٹ اٹی درستی راستی کرفنگ کیک ہراڑآن ہڑتوم آ ملک آتیٹی واپاری سرجزآتے پین مون آ دننگک۔
