اسلام آباد (پاکستان پوائنٹ نیوز۔25 جولائی۔2016) لیفٹیننٹ جنرل (ر) عبدالقیوم خان پارینے کہ بھارت واک انا کمک اٹ کشمیری تا توار ءِ توننگ کپک۔ ریڈیو پاکستان نا پروگرام نقطہ نظر اٹی ہیت وگپ کرسا اوپارے کہ کشمیر ناویل بے کچ سادہ و حقیقت آ مبنی ءِ ۔ دا ویل بایدے ایسر مرے و کشمیری تے بایدے آجوئی ملے۔ لیفٹیننٹ جنرل (ر) عبدالقیوم خان پارے کہ بھارتی فوج کودک کشمیری تا سم خلسا اوفتا توار ءِ توننگ کپک ، بھارت کشمیری تا تحریک آجوئی نا جہد آن بوکھلاہٹ نا گواچی ءِ ہرانا سوب آن اونا لیڈر شپ غیر معقول بیان تننگ ءِ۔
اوپارے کہ پاکستان سفارتی وڑاٹ جہانی کہول آ کشمیری تا مخ تفی ءِ برجاء تخانے۔ اوپارے کہ اقوام متحدہ نا چارٹر نا رداٹ اسہ قوم اسینا ہم حق خودارادیت ءِ توننگ مفک ہنداخاطران کشمیری تے بایدے حق خودارادیت ملے۔
