این ایف سی ایوارڈ ءُُ مردم شماری ءَ دیر ءِ معاملہ ءَ کسان صوبہ آنی ھترہ ءُُ تحفظات دور کنگ لوٹیت، میاں رضا ربانی

این ایف سی ایوارڈ ءُُ مردم شماری ءَ دیر ءِ معاملہ ءَ کسان صوبہ آنی ھترہ ءُُ تحفظات دور کنگ لوٹیت، میاں رضا ربانی

اسلام آباد(پاکستان پوائنٹ نیوز۔22 جولائی۔2016) چیئر مین سینیٹ میاں رضا ربانی ءَ گشتگ انت کہ اینا یف سی ایوارڈ ءُُ مردم شماری ءَ دیر بوھگ ءِ معاملہ ءِ سرا کسانیں صوبہ آنی خدشہ ءُُ تحفظات دور کنگ لوٹیت۔ جمعہ ءَ ایوان بالا ءِ دیوان ءَ سینیٹر سسی پلیجو ءِ توجہ دلاؤ نوٹس ءِ معاملہ ءِ سرا ریمارکس دئیگ ءَ چیئر مین سینیٹ ءَ گشتگ کہ بنجاہی حکومت ءَ مسلسل دومی بجٹ کہنیں این ایف سی ایوارڈ ءِ ردا پیش کرتگ انت، نوکیں این ایف سی ایوارڈ ءِ ھاتر ءَ پیش رفت بوھگ لوٹگی ات۔

ہر پنچ سال ءَ پد نوکیں ایف این سی ایوارڈ ءِ جار آئینی جیڑھ انت۔ ایشی ءَ ابید مردم شماری ءَ ہم مسلسل دیر بوھگ ءَ انت اے دوئیں معاملہ آنی سرا کسانیں صوبہ آن خدشہ انت پرچاکہ صوبہ ءِ موقف انت کہ اگاں مردم شماری زوت بوتگ گڑا آباتی ءَ اضافہ ءِ جاور ءَ نہ اضافی وسیلگ ہم بہ رس انت بلے این ایف سی ایوارڈ ءُُ مردم شماری ءِ معاملہ ءِ سرا زوت پیشرفت ءِ ضلورت انت ءُُ اے مکسد ءِ ھاترءَ کسانیں صوبہ آنی خدشہ ءِ ھلاسی کنگ لوٹیت۔