مظفر آباد (پاکستان پوائنٹ نیوز۔22 جولائی۔2016) مزن وزیر محمد نواز شریف ءَ آزاد کشمیر گچینکاری ءَ مسلم لیگ (ن) ءِ بے مثال سر سوبی ءَ دمگ ءِ دیمروی ءُُ وشحالی ءِ نوکیں وھد ءِ بندات گشگ ءَ گشتگ انت کہ آزاد کشمیر ءَ پاکستان مسلم لیگ (ن) ءِ آؤکیں پنچ سال وشحالی ءُُ دیمروی ءِ ھوالہ ءَ مثالی بیت۔ پاکستان ءِ سڑک آنی سرا دھرنا ءُُ ہر وھد ءَ منفی سیاست کنوک آنی کار ءُُ کرد آزاد کشمیرءَ دیما آتکگ انت ۔
سیاست ءَ سر سوبی دھرنا ءَ نہ بلکں کمو کنگ ءَ بہ رسیت۔ ماں پاکستان ءَ دیمروی ءِ نوکیں ریکارڈ جوڑ کنگ ءَ انت آئی ءِ گواہی دگنیا دئیگ ءَ انت، نوں آزاد کشمیر ءَ ہم دیمروی ءِ یک نوکیں وھد بندات بوؤک انت، گوست ءَ آزاد کشمیرءِ اُلس ءِ واسطہ کرپشن ءُُ نا اہلی ءَ منتگ انت ءُُ گچینکاری آسر ہمیشی رد عمل انت اُلس ءَ یقین دئینت کہ نوں آ وھد واپس نہ ایت، مقبوضہ کشمیر ءِ شہید آنی قربانی ءَ تحریک آجوئی کشمیر زندہ انت اے روچ ءِ انتظار انت کجام وھد ءَ کشمیر جوڑ بیت پاکستان آ آزاد کشمیر ءِ لس گچینکاری ءَ مسلم لیگ (ن) ءِ راجدپتری سر سوبی ءِ سرا جمعہ ءَ مظفر آباد ءَ بوؤکیں جلسہ عام ءَ تران کنگءَ ات ۔
اے موہ ءَ بنجاہی وزیر اطلاعات ءُُ نشریات سینیٹر پرویز رشید، بنجاہی وزیر امور کشمیر چوہدری برجیس طاہر ، مزن وزیر ءِ معاون ھاس ڈاکٹر آصف کرمانی، مسلم لیگ (ن) آزاد کشمیر ءِ صدر راجہ فاروق حیدر ءُُ شاہ غلام قادر ءِ ھواری ءَ نوک گچین ایم ایل ایز، پارٹی عہدیدارءُُ کارندہ آنی مزنیں کساس ہم ھوار ات۔ مزنو زیر محمد نواز شریف ءَ گشتگ کہ شپ ءَ آزاد کشمیر ءِ گچینکاری ءَ سر سوبی الما گندگ بوھگ بندات بوتگ گڑا من پیسلہ کرت اوں کہ باندا ءَ چہ مظفر آباد بہ رواں وتی برات، گہار آں مبارکبات بہ دیاں، منا گشت انت کہ دو روچ ءَ بریت بلے من ءَ گشتگ کہ منا اتنظار نہ بیت، منی گڑا دل کرتگ ات کہ شپ ءَ چہ بیا ایں ءُُ وتی برات ، گہار ءُُ مات آن گُٹ ءَ ہار مان بہ کناں، آزاد کشمیر والا آنی دل وش کرتگ انت۔
آئی ءَ گشتگ کہ آزاد کشمیر ءَ منی جان سلامتی ئِھاتر ءَ دعا کرت انت آئی ءِ شکر ادا بہ کناں۔ آئی ءَ گشتگ کہ آزات کشمیر ءَ گچینکاری مہم ءِ وھد ءَ باز یں دِگہ مہلوک ہم آتکگ ءُُ پاکستان ءَ بندات کرت انت منفی سیاست ادا کنگ ءِ کوشست کرت انت۔ آئی ءَ مئے ھلاپ چے چے گشت انت بلے آزاد کشمیر ءِ اُلس ءَ آھاں راہ نشان داتگ ءُُ مسلم لیگ (ن) ءَ ووٹ داتگ آئی ءِ سرا من کشمیر ءِ اُلس ءَ سلام پیش بہ کناں۔
مزن وزیر ءَ سر سوبی ءَ گچینکاری مہم چلائینگ ءِ سرا بنجاہی وزیر ءُُ ھندی سروک آنی شکر ادا کرتگ۔ آئیء َ گشتگ کہ سیاست ءَ سر سوبی دھرنا ءَ نہ بلکں لہتیں کنگ ءَ بہ رسیت۔ ماں اللہ ءِ فضل ءُُ کرم ءَ پاکستان ءِ تہا دیمروی ءِ یک نوکیں ریکارڈ جوڑ کنگ ءَ انت آئی ءِ گواہی ماں وت نہ بلکں دگنیا دئیگ ءَ انت۔ پاکستان دیما آؤکیں معیشت جوڑ بوتگ انت ءُُ دِگہ تیزی ءَ دیمروی کنگ ءَ انت نوں اے دیمروی ہمے رفتار ءَ آزاد کشمیر ءَ ہم تالان بیت ادا دیمروی ءِ یک نوکیں وھد بندات بوھگ ءَ انت ورنا کمر کس بہ بنت نوں اللہ ءِ فضل ءُُ کرم ءَ آزاد کشمیر ءَ دیمروی ءِ آشوب کیت۔
محمد نواز شریف ءَ گشتگ کہ مرچی ماں وشی کنگ ءَ انتءُُ اینکس وش انت کہ درستیں آزاد کشمیر ءَ اے لہر سر بوتگ انت، مارا اے موہ ءَ مقبوضہ کشمیر ءِ شہید آں یات دارگی انت آھاں وتی جان آنی قربانی دئیگ ءَ تحریک آزاد کشمیر ءَ زندہ داشتگ انت آھاں تحریک آجوئی ءَ ھچ کس داشت نہ کنت۔ آ سر سوب بوھگءَ مان انت ماں آھاں گوں ھوار انت ءُُ انشاء اللہ کشمیر جوڑ بیت پاکستان، آئی ءَ گشتگ کہ آزاد کشمیر ءَ موٹر ویز ءُُ سرک آنی جال تالان بیت۔
آئی ءَ گشتگ کہ گچینکاری مہم ءَ مخالف آنی نیمگ ءَ کجام نفرت ءُُ منفی سیاست ءِ بندات کرت انت آئی ءِ دود ءُُ ربیدگ پیداک بوھگءَ یل نہ دیاں آئی ءَ گشتگ کہ نواز شریفءِ دل ءُُ دماغ ءَ پاکستان ءُُ آزات کشمیر ءَ ھچ پرک نیست، چنکس پاکستانی اوں ہمنکس چہ کشمیری اوں ءُُ چنکس کشمیری اوں ہمنکس چہ پاکستان اوں آئی ءَ گشتگ کہ لہتیں ماہ دیما مسلم لیگ (ن) ءَ گلگت بلتستان ءَ ہم دو تہائی اکثریت رستگ ات ءُُ مرچی آزاد کشمیر ءَ ہم دو تہائی اکثریت رستگ انت۔
اللہ ءِ شکر انتکہ مرچی آزاد کشمیر ءِ اُلس ءِ دعا اُشکتگ انت مزن وزیرءَ گشتگ کہ مارا معلوم انت کہ گوست نزد ءُُ گوست ءَ کشمیر ءِ اُلس ءِ کرپشن ءُُ نا اہلی ءَ واسطہ منتگ اے گچینکاری آسر آھانی ھلاپ اُلسی رد عمل انت۔ اُلس ءَ یقین بہ دیاں کہ ادا ہمے وڑ یں دور ھچ واپس نہ ایت ۔ بنجاہی خزانہ ءِ یک یک پائی ءِ ھیال دارگ بیت۔ آئیءَ گشتگ کہ آزاد کشمیر ءِ گچینکاری ءَ مرچی مزن مزنیں برج چپی بوتگ انت۔
پدا مسلم لیگ (ن) آزاد کشمیر ءِ صدر فاروق حیدر ءَ وتی سر سوبی ءَ گشتگ کہ مرچی مزن وزیر محمد نواز شریف ءِ تر ءُُ تاب آزاد کشمیر باز ارزشت داریت پرچاکہ مرچی کشمیر ءِ اُلس ءَ مسلم لیگ (ن) ءَ ھذمت ءِ ھاتر ءَ گچین کارتگ انت۔ آئیءَ گشتگ کہ 2010ءَ ہمے ھند ءَ پاکستان لیگ (ن) ءِ قیام بوتگ ءُُ مرچی اے گل آزاد کشمیر ءِ کل آں چہ مزنیں ءُُ سوگو جوڑ بوتگ انت۔
ایم ایل اے نورین عارف ءَ گشتگ کہ مزن وزیر محمد نواز شریف ءَ دسمبر 2010ءَ کجام گل ءِ قیام جوڑ کرتگ آزاد کشمیر ءَ اے گل کل آں چہ سوگو گل جوڑ بوتگ انت ، آزاد کشمیرءِ زالبول آنی نیمگ ءَ مظفر آباد آھگ ءِ سرا شکر ادا بہ کناں۔ آئی ءَ گشتگ کہ مزن وزیر محمد نواز شریف ءَ کجام وڑ ءَ پاکستان ءَ بازیں پیکج داتگ انت منے لوٹ انتکہ ہمے وڑیں پیکج آزاد کشمیر ءِ ھاتر ءَ ہم بہ دئیت۔
